ՀՀ վարչապետ Կարեն Կարապետյանը կառավարության այսօրվա նիստում ասել է, որ ՏՏ ոլորտում առկա է նոր շուկաներ մուտքի, գործարար կապերի հաստատման, վաճառքի, մարքեթինգի հմտությունների բարձրացման եւ համապատասխան դասընթացների իրականացման անհրաժեշտություն:
«Վերջերս կայացած «ԴիջիԹեք Էքսպո 2017»-ի ընթացքում կրկին արձանագրեցինք Հայաստանում տեղեկատվական տեխնոլոգիաների զարգացման եւ արտահանման ներուժը: Միաժամանակ, ՏՏ ոլորտում նոր գաղափարներ եւ ծրագրային լուծումներ ունեցող սկսնակ, փոքր եւ միջին ընկերությունները հաճախ աջակցության կարիք ունեն»,- ասել է վարչապետը:
Տրանսպորտի, կապի եւ տեղեկատվական տեխնոլոգիաների նախարարին, ինչպես նաեւ Ռազմավարական նախաձեռնությունների կենտրոնի եւ Հայաստանի զարգացման հիմնադրամի գործադիր տնօրեններին հանձնարարվել է մեկամսյա ժամկետում համատեղ մշակել եւ կառավարության աշխատակազմ ներկայացնել ՏՏ ոլորտի արտահանման, գործարար հմտությունների եւ կարողությունների զարգացման համար անհրաժեշտ միջոցառումների ծրագիր՝ համապատասխան գործիքների նախատեսմամբ:
«Մենք այստեղ իրականում մեծ ներուժ ունենք, լավ գաղափարներ ունենք, սակայն առկա է կիրառական պրոդուկտ մշակելու եւ այն վաճառելու խնդիր, որտեղ մենք պետք է բիզնեսի կողքին կանգնենք»,- նշել է Կարեն Կարապետյանը:
11:22 | 05.10.17 |
Նորություններ
Հայաստանը Տալլինում մասնակցել է E-Partnership համաժողովին
![](https://itel.am/datas/znews/big_[{"basename":"160923141444-cnn-money-yahoo-hack.jpg","link":"\/2017\/10\/04\/59d4c763c06e41.09089366.jpg","description":{"am":{"label":"","author":"http:\/\/i2.cdn.cnn.com"},"ru":{"label":"","author":"http:\/\/i2.cdn.cnn.com"},"en":{"label":"","author":"http:\/\/i2.cdn.cnn.com"}},"show_in_text_place":"","hide_from_gallery":"on","sort_order":"0","top":"off"}])
15:32 | 04.10.17 |
Նորություններ
Yahoo-ն խոստովանել է՝ 2013-ին կոտրվել են բոլոր 3 մլրդ օգտահաշիվները
