Եվրոպական հանձնաժողովը որոշել է ռեկորդային` €2,42 մլրդ-ի չափով տուգանել Google ընկերությանը՝ ԵՄ հակամենաշնորհային օրենքները խախտելու համար:
Հանձնաժողովի որոշման համաձայն՝ Google-ը, օգտագործելով որոնման համակարգի իր գերիշխող դիրքը, որոշակի պրոդուկտների եւ ծառայությունների որոնման դեպքում կեղծում է արդյունքներն այնպես, որ իր կոմերցիոն գործընկերները եւ հաճախորդները որոնման համակարգերի առաջին հորիզոնականներում հայտնվեն:
Google-ը մեղադրվում է նաեւ նրանում, որ մեծացնում է իր հաճախորդ կամ գործընկեր տեղեկատվական ինտերնետ ռեսուրսների տրաֆիկը՝ որոնման արդյունքներում շատացնելով նրանց մասին նշումները:
Տուգանքը վերաբերում է Alphabet հոլդինգին, որի կազմում է Google-ը: Ընկերությունը պարտավոր է 90 օրվա ընթացքում վերացնել խախտումը, այլապես կարող է ենթարկվել լրացուցիչ տուգանքների:
Google-ում չեն բացառել որոշման բողոքարկումը Եվրոպական դատարանում:
Եվրոպական հանձնաժողովի հետաքննությունը տեւել է 7 տարի:
![](https://itel.am/datas/znews/big_[{"basename":"Color-Pop.jpg","link":"\/2017\/06\/27\/59524ef5482d74.34057016.jpg","description":{"am":{"label":"","author":"Color Pop"},"ru":{"label":"","author":"Color Pop"},"en":{"label":"","author":"Color Pop"}},"show_in_text_place":"","hide_from_gallery":"on","sort_order":"0"}])
16:24 | 27.06.17 |
Նորություններ
Վաղը կմեկնարկի մոբայլ խաղերի Color Pop առաջնությունը
