Climate Tech Hackathon

30 Հուն 2018 - 01 Հուլ 2018
ISTC

24-ժամյա միջոցառումը կստեղծի անտառային և գյուղատնտեսության մարտահրավերների լուծումներ գտնելու բարենպաստ միջավայր
Գրանցվել

Blockchain Hackathon: Securing the integrity of elections

23 Հուն 2018 - 24 Հուն 2018
Hero House

Թիմերը 30 ժամվա ընթացքում կզարգացնեն իրենց լուծումները
Գրանցվել

Րաֆֆի Գրիգորյան

U.S. Democratic National Committee

ԱՄՆ դեմոկրատական կուսակցության ազգային հանձնաժողովի գլխավոր տեխնոլոգիական տնօրեն (CTO)

Ալ Եսայան

IntelinAir

Ամերիկահայ գործարար, IntelinAir ընկերության հիմնադիր

Կարեն Վարդանյան

Union of Information Technology Enterprises

ԻՏՁՄ գործադիր տնօրեն

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

LiveBoard

Ինտերակտիվ գրատախտակ՝ նկարելու եւ զրուցելու համար

Armenia Today

Հայաստանյան վերջին լուրերը՝ տարբեր աղբյուրներից

Chessfimee

Շախմատի խաղատախտակի սքանավորում եւ վերլուծություն

ARMOJI

Հայկական էմոջիների առաջին հավելվածը

TaxoLine

Տաքսիների օնլայն պատվիրում Երեւանում

Mashtots

Արեւմտահայերեն սովորեցնող հավելված

360 Stories

Հայաստանի տեսարժան վայրերը՝ 360 աստիճանով

Cartly

Մթերքի օնլայն գնում

WITSA պաշտոնյաներ. ՀՀ-ում երեխաներին պատրաստում են թվային դարաշրջանին

Երեւանը 2019-ին հյուրընկալելու է ՏՏ համաշխարհային համաժողովը (WCIT), եւ վաղը՝ 10-րդ հոբելյանական ԴիջիԹեք բիզնեսի ֆորումի շրջանակում, կտրվի միջոցառման կազմակերպչական աշխատանքների մեկնարկը:

Այս առիթով Itel.am-ը զրուցել է Հայաստան ժամանած՝ Տեղեկատվական տեխնոլոգիաների եւ ծառայությունների համաշխարհային ալյանսի (World Information Technology and Services Alliance -WITSA) նախագահ Իվոն Չիուի եւ միեւնույն կառույցի գլխավոր քարտուղար Ջեյմս Պոյզանթի հետ:

- Թայվանը եւ Հայաստանն աշխարհագրական գրեթե նույն չափերն ունեն, բացի այդ, երկուսն էլ հյուրընկալելու են ՏՏ համաշխարհային համաժողովը (WCIT)՝ Թայվանն այս տարի, իսկ Հայաստանը՝ 2019-ին: Ինչպե՞ս Թայվանին հաջողվեց դառնալ հզոր տեխնոկենտրոն:

Իվոն Չիու – Թայվանի առավելությունն այն է, որ կառավարությունը շատ է աջակցում ՏՀՏ ոլորտին: Եթե դուք ունեք հստակ ռազմավարություն, ապա կառավարությունից աջակցություն կստանաք: Պետք է լինել համբերատար, քանի որ հաջողության հասնելու համար ժամանակ է հարկավոր:

Ջեյմս Պոյզանթ - Եթե հետ ենք նայում, ապա շուրջ 30 տարի առաջ Թայվանը որոշեց, որ ֆինանսավորելու եւ գլոբալ է դարձնելու ՏՏ ոլորտը: Կառավարությանը համոզելու եւ ոլորտը ֆինանսավորելու արդյունքն այն է, որ այսօր Թայվանը ՏՀՏ պրոդուկտների եւ ծառայությունների ոլորտում ամենահզոր պետություններից է: Հաջողության բանալին կառավարության եւ ոլորտի համատեղ աշխատանքն է, համագործակցությունը, եւ էական չէ, թե ով է այդ պահին իշխանության ղեկին:

- Երեկ հանդիպում եք ունեցել ՀՀ վարչապետի հետ: Ի՞նչ հարցեր եք քննարկել:

Ջեյմս Պոյզանթ – Տեղյակ ենք, որ Հայաստանը մշակում է ռազմավարական պլան: Երեկ կառավարությանն առաջարկեցինք հետեւյալը՝ մենք ասիական 23 երկրների կտրվածքով իրականացնում ենք խոշոր հետազոտություն, որի արդյունքների միջոցով աշխարհին ցանկանում ենք ցույց տալ՝ ինչպես հաջողակ դառնալ զարգացող թվային տնտեսություններում: Չենք հասցրել ի մի բերել, թե ինչ դիրքեր ունի Հայաստանը, սակայն կարծում եմ՝ բոլորս կարող ենք ինչ-որ բան սովորել այդ հետազոտությունից, եւ ուրախ ենք այդ տեղեկատվությամբ կիսվել Հայաստանի հետ:


Լուսանկարը՝ Մեդիամաքս


- Ի՞նչն է ձեզ զարմացրել հայաստանյան ՏՏ ոլորտում:

Ջեյմս Պոյզանթ - «Թումո » կենտրոնն առաջ շարժվելու ճիշտ ուղին է: Երեխաներին տեխնոլոգիայի բոլոր ասպեկտներով կրթելն այն է, ինչ փնտրում է ՏՀՏ ոլորտը: Նախորդ այցիս ընթացքում ինձ ասացին, որ այդ երեխաներին պատրաստում են թվային դարաշրջանին, եւ իմ կարծիքով՝ դա հենց այն է, ինչ պետք է Հայաստանին այս պահին:

Երբ խոսում ենք կրթության մասին, դպրոցն ու համալսարանը պետք է աշխատեն ոլորտի հետ՝ հաջողության հասնելու համար: Դասարանում պետք է վստահ լինել, որ առկա դասացուցակը տվյալ երեխային նախապատրաստում է իրական աշխատանքի: Խնդիրն այն է, որ երբ ընկերությունը սպասում է նորավարտների՝ աշխատանքի ընդունելու համար, եւ նրանք չեն կարողանում իրենց դրսեւորել, այդ ընկերությունն ունի երկու տարբերակ՝ կա՛մ մնալ եւ վերապատրաստել մասնագետների, կա՛մ գնալ եւ գործել այլ վայրում: Բայց դուք չեք ուզում, որ ընկերությունները ձեր երկիրը լքեն, այնպես չէ՞:

Որեւէ ընկերություն չի ցանկանա վատ մասնագետներ ունենալ: Բացի այդ, հիմա ընկերությունները կարող են օնլայն աշխատել աշխարհի ցանկացած կետում, դա էլ մեկ այլ պատճառ է, թե ինչու մասնագետը պետք է իմանա տվյալ մասնագիտության գլոբալ պահանջները՝ մրցունակ մնալու համար:  

Իվոն Չիու- Կրթությունն իսկապես կարեւոր է: Երեկ մի քանի ՏՏ ընկերություններ այցելության ժամանակ պարզ դարձավ, որ նրանք ունեն ոչ բավարար աշխատուժ, մասնագետներ: Պետք է մասնագետներ պատրաստել՝ դպրոցից սկսած, եւ կառավարությունը պետք է այդ հարցում աջակցի եւ ֆինանսավորի:

Կցանկանամ տեսնել Հայաստանին եւ Թայվանին համագործակցելիս: Հայաստանը շրջապատված է հողով, իսկ Թայվանը՝ ջրով: Մենք կարող ենք փոխանակել այդ ջուրն ու հողը (ծիծաղում է - խմբ.): Նկատել եմ, որ հայերը շատ դրական մարդիկ են, աշխատասեր են, սակայն հարկավոր է գտնել ներուժի իրացման ճիշտ ուղղությունն ու կենտրոնացում:

Իվոն Չիուի եւ Ջեյմս Պոյզանթի հետ զրուցել է Նարինե Դանեղյանը

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo