Sevan Startup Summit 2018

22 Հուլ 2018 - 29 Հուլ 2018
Սեւան

Սամմիթին կմասնակցի շուրջ 1000 ձեռներեց ամբողջ աշխարհից, այդ թվում 120 ստարտափ թիմ
Գրանցվել

Պիեռ Հեննես

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Դավիթ Յան

ABBYY

ABBYY համակարգչային ծրագրերի ընկերության հիմնադիր, Lingvo էլ. բառարանի ստեղծող

Արտաշես Վարդանյան

Microsoft Innovation Center

Մայքրոսոֆթ ինովացիոն կենտրոնի տնօրեն

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Dhole

Խաղի միջոցով սովորել համաստեղությունների անունները

ARMOJI

Հայկական էմոջիների առաջին հավելվածը

Playland Armenia

Կրթական եւ ժամանցային անվճար խաղային հարթակ

Paqqy

Ճամփորդի միջոցով փաթեթի ուղարկում եւ ստացում

TaxoLine

Տաքսիների օնլայն պատվիրում Երեւանում

Wakie

Զրուցել անծանոթի հետ, ստանալ հուզող հարցերի պատասխաններ

Servicebrok

Ֆիքսված սակագնով տան ծառայությունների պատվիրում

Localz

Զբոսաշրջիկների համար ստեղծված հարթակ

Նաիրա Հովակիմյան. Հայաստանյան ՏՏ-ին հայտնի անուններ են պակասում

Երեւանում մայիսի 30-ին անցկացվել է «Ապագային ընդառաջ» (Unleash the Future) տեխնոլոգիական միջոցառումը, որին մասնակցել է ՏՏ, գիտության եւ ձեռներեցության ոլորտի ավելի քան 200 ներկայացուցիչ:  

Itel.am-ը զրուցել է միջոցառման բանախոսներից Իլինոյսի համալսարանի Խելացի ռոբոտատեխնիկայի լաբորատորիայի (Intelligent Robotics Lab) տնօրեն եւ IntelinAir ընկերության համահիմնադիր, պրոֆեսոր Նաիրա Հովակիմյանի հետ:

- Միջոցառման շրջանակում Ձեր ելույթը վերաբերում էր հետազոտությունների ապագային: Ինչպե՞ս զարգացնել հետազոտական ուղղությունը Հայաստանում:

- Հայաստանում պետք է ստեղծել տեխնոլոգիական համալսարան: Բացի այդ, անհրաժեշտ է արտերկրից մասնագետների հրավիրել, որոնք կդասավանդեն այդ համալսարանում: Այս անդունդն առաջացավ 90-ականներին, երբ մարդիկ կա՛մ հեռացան գիտությունից, կա՛մ արտագաղթեցին:

Հայաստանում սակավաթիվ մասնագետներով գիտություն զարգացնելն անհնար է: Արհեստական բանականությունը, որի մասին այս օրերին շատ է խոսվում, չի կարող լուծել բոլոր խնդիրները: Պետք է հասկանալ, թե որ տեխնոլոգիան որտեղ, ինչ չափով օգտագործել, որպեսզի այն դառնա միջոլորտային:

- Տարին մի քանի անգամ այցելում եք Հայաստան: Որքանո՞վ են գոհացնող հայաստանյան ՏՏ ոլորտի զարգացման տեմպերը:

- Զարգացումը տպավորիչ է, սակայն անհրաժեշտ է մեծ ուշադրություն հատկացնել գիտությանը, ինչը կնպաստի, որ զարգացումը ճիշտ հունով ընթանա: Հակառակ դեպքում, ստարտափը կհասնի զարգացման որեւէ փուլի եւ կանգ կառնի:

Այո, հայաստանյան ՏՏ-ում պակասում է գիտությունը: Հիմնականում բացակայում են համալսարանական ստարտափները, փոխարենը գերակշռում են ստարտափները, որոնք առաջացել են տաղանդավոր երիտասարդների անխոնջ ջանքերով:

- Որո՞նք են այն ուղղությունները, որոնց վրա, Ձեր կարծիքով, պետք է կենտրոնանա հայաստանյան ՏՏ ոլորտը:

- Թե՛ արհեստական բանականության եւ թե՛ վիրտուալ իրականության ուղղություններն ունեն մեծ ապագա, սակայն դժվար է ասել՝ Հայաստանն արդյոք կկարողանա՞ դրանցից որեւէ մեկում դառնալ գլոբալ առաջատար:  

Խնդիրն այն է, որ այսօր հայաստանյան ՏՏ-ին պակասում են հայտնի անունները, որոնք ճանաչված կլինեն ամբողջ աշխարհին: Գլոբալ ՏՏ-ում կան մի քանի անվանի հայեր, սակայն նրանցից որեւէ մեկը, դժբախտաբար, չի բնակվում Հայաստանում:

Չնայած այս ամենին՝ ոլորտում տեսնում եմ առաջ գնալու եւ զարգանալու մեծ պոտենցիալ, եւ հույս ունեմ, որ ժամանակի ընթացքում հնարավոր կդառնա Հայաստան անվանի մասնագետներ հրավիրել: Օրինակ կբերեմ YerevaNN գիտակրթական հիմնադրամի մշակված deep learning-ի ուղեցույցը: YerevaNN-ի հիմնադիր երիտասարդներն իրենց աշխատասիրության շնորհիվ առաջիկայում հավանաբար կհասնեն մի մակարդակի, երբ կկարողանան արտերկրի որեւէ հայտնի պրոֆեսորի հրավիրել Հայաստան, որն իր հերթին կառաջարկի, որ երիտասարդներն այստեղ փորձարկեն իր նոր գաղափարները:

Եթե Հայաստանում ռոբոտիկայի լավ լաբորատորիա գործի, ես պատրաստ եմ ամեն անգամ Հայաստան այցելելիս երիտասարդներին գաղափարներ առաջարկել, խորհուրդներ տալ, ուղղություններ մատնանշել, տեսլական ներկայացնել:

Հայաստանում ՏՏ ոլորտին պակասում են մասնագետներ՝ կյանքի մեծ փորձով: Առկա է ՏՏ ոլորտի ավագ սերնդի պակաս, որը կարող է մենթոր դառնալ նոր սերնդի համար:

Նորաստեղծ FAST-ի հիմնադրման հետ շատ մեծ հույսեր եմ կապում: Հիանալի կլինի, եթե այն աջակցի, որպեսզի տարբեր երկրներից հայտնի հայ մասնագետները հաճախ այցելեն Հայաստան եւ կիսվեն փորձով: Միաժամանակ, դրական կլինի տաղանդավոր երիտասարդների եւս ուղարկել արտերկիր՝ այդ մենթորների մոտ:  

- Ալ Եսայանի հետ շուրջ 3 տարի առաջ հիմնադրեցիք IntelinAir ընկերությունը, որը թռչող սարքերի օգնությամբ բարձրորակ լուսանկարներ է անում՝ մշակելով դաշտերի «տոմոգրաֆիկ պատկերը»: Հայաստանում ընդլայնվելու պլաններ կա՞ն:

- IntelinAir-ի կենտրոնակայանը Սան Խոսեում է, ունենք նաեւ գրասենյակ Իլինոյսի համալսարանի տարածքում: Այսօր մենք ունենք բավական շատ հաճախորդներ: Մեր տեխնոլոգիական ղեկավարը Արա Նեֆյանն է ԱՄՆ-ից, որը NASA-ում աշխատել է խոշոր եւ բավական հայտնի նախագծերի վրա: Ես կենտրոնացած եմ մեծ տեսլականի վրա՝ առաջիկա 5-10 տարում մրցակցություն ապահովելու համար:

IntelinAir-ի Հայաստանի թիմն այս պահին 4 հոգի է, բայց շուտով կընդլայնվենք՝ դառնալով 10-12 աշխատակից:  

Նաիրա Հովակիմյանի հետ զրուցել է Նարինե Դանեղյանը

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo