Դավիթ Յան

ABBYY

ABBYY համակարգչային ծրագրերի ընկերության հիմնադիր, Lingvo էլ. բառարանի ստեղծող

Ալեքսիս Օհանյան

Reddit

Ամերիկահայ ձեռներեց, ներդրող, Reddit սոցիալական լրատվական կայքի համահիմնադիր

Կարեն Վարդանյան

Union of Information Technology Enterprises

ԻՏՁՄ գործադիր տնօրեն

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Armenia Today

Հայաստանյան վերջին լուրերը՝ տարբեր աղբյուրներից

Playland Armenia

Կրթական եւ ժամանցային անվճար խաղային հարթակ

360 Stories

Հայաստանի տեսարժան վայրերը՝ 360 աստիճանով

Gugas

Միավորում է տաքսիի եւ քարփուլինգի գործառույթները

Dhole

Խաղի միջոցով սովորել համաստեղությունների անունները

gg

Ավտոմեքենա պատվիրելու օնլայն համակարգ

ARLOOPA

Վիրտուալ եւ լրացված իրականություն

Zangi

Անվճար HD տեսազանգեր,չաթ

Ռոնալդ Բինկոֆսկի. Հայաստանում նորարարության «ծարավ» կա

Microsoft-ի ԱՊՀ տարածաշրջանային գրասենյակի նորանշանակ ղեկավար Ռոնալդ Բինկոֆսկին անցած ամիս ճանաչողական այցով Երեւանում էր:

2013-2017 թթ. նա ղեկավարել է Microsoft-ի Լեհաստանի գրասենյակը, մինչ այդ՝ 2,5 տարի՝ Ռումինիայի գրասենյակը: Ռոնալդ Բինկոֆսկին մասնագիտացած է բիզնեսի կառավարման, վաճառքի, մարքեթինգի ուղղություններում:

Itel.am-ը զրուցել է Ռոնալդ Բինկոֆսկիի հետ:

- Առաջին անգամ եք Հայաստան այցելում: Որքանո՞վ էիք տեղեկացված հայկական ՏՏ ոլորտի զարգացումներից:

-Մի քանի հիմնական բան գիտեի: Առաջինը, որ գոյություն ունի վառ արտահայտված ՏՏ համայնք: Գիտեմ, որ Հայաստանում նորարարությունների «ծարավ» կա, տեղյակ եմ, որ մեծ թվով հայեր են ապրում երկրից դուրս եւ դրա շնորհիվ գիտելիքի ու փորձի վիթխարի փոխանակում է տեղի ունենում:

Հայաստանում հիանալի նախաձեռնություններ են իրականացվում: Ես դրանք կարող եմ դիտարկել Microsoft-ի տեսանկյունից՝ մենք երիտասարդներին տրամադրում ենք տեխնոլոգիա, նրանք ստեղծում են ընկերություններ: Կառավարությունն իր հերթին լավ մոդել է ներկայացրել, որը մոտիվացնում է երիտասարդ ընկերություններին առաջ գնալ:

Այսօր Microsoft-ը Հայաստանում աշխատում է տեղական էկոհամակարգի զարգացմանն աջակցելու ուղղությամբ: Աջակցում ենք այն ընկերություններին, որոնք մշակում են հաճախորդներին ուղղված լուծումներ՝ Microsoft-ի տեխնոլոգիաների օգնությամբ:

-Բազմաթիվ հայ ծրագրավորողների երազանքն է աշխատել Microsoft-ում: Ունե՞ք նրանց ուղղված որոշակի խորհուրդներ:

- Կարծում եմ՝ լավագույն տարբերակը մեզ հետ շփվելն է: Առաջին հերթին, պետք է իրազեկված լինեն մեր տեխնոլոգիաներից, ցույց տան հետաքրքրվածություն: Մենք սովորաբար ունենում ենք պրակտիկաներ, փնտրում ենք նորավարտ մասնագետների, տաղանդների:

Կարող եք սկսել նաեւ մեր գործընկերների հետ համագործակցությունից, եւ վաղ թե ուշ կստանաք ձեր հնարավորությունը:

Կարծում եմ՝ այսօր աշխարհում երիտասարդները պետք է երկու կարեւոր հանգամանք հաշվի առնեն: Տեխնոլոգիական տեսանկյունից հարկավոր է շատ կրթված լինել, քանի որ տեխնոլոգիան արդեն դառնում է կյանքի անբաժանելի մասը: Երկրորդը՝ պետք է բաց լինել աշխարհի, բազմազան մշակույթների նկատմամբ: Երիտասարդները պետք է ցատկեր կատարեն իրենց զարգացման քայլերում եւ միաժամանակ փորձեն սովորել ուրիշներից՝ առանց վախենալու ստեղծելով սեփական բրենդը:  

Այսօր աշխարհն արագ առաջ գնալու բազմաթիվ հնարավորություններ է տալիս:

-Տարիներ առաջ Դուք հիմնադրել եք Ձեր սեփական ստարտափը, ինչպես նաեւ բազմաթիվ ստարտափների խորհրդատվություն եք տրամադրել: Ի՞նչ խորհուրդ կտայիք հայաստանյան ստարտափներին:

- Առաջին հերթին, մի՛ փորձեք ամեն ինչ ինքներդ հնարել, այլ փորձեք հետեւել, թե ինչ կա արդեն արված, վերցրե՛ք դա, համապատասխանեցրե՛ք ձեր պահանջներին եւ ավելի զարգացրեք: Իհարկե, ձեր նորարարությունը եւս կատարեք, բայց մի՛ փորձեք հեծանիվ հորինել:

Արա՛գ փորձարկեք ձեր գաղափարները, արագ աշխատեք հաճախորդների հետ, ձախողեք, արագ ձախողեք, բարելավեք ձեր տեխնոլոգիան եւ ապա նորից նայեք, թե ուրիշներն ինչ են անում, վերցրեք նրանց գաղափարները, մի՛ փորձեք լինել ամենանորարար մարդը:
 
Փորձարկե՛ք ձեր գաղափարները լոկալ շուկայում: Հզոր ստարտափ էկոհամակարգ ունենալու համար նաեւ համապատասխան տնտեսական միջավայր է անհրաժեշտ, որտեղ ստարտափները կարող են փորձարկել եւ իրականացնել իրենց գաղափարները: Այնպես որ, ստարտափ էկոհամակարգի զարգացումը պետք է ընթանա երկրի տնտեսական զարգացմանը զուգահեռ:

Այս այցի ընթացքում ՀՀ կառավարության ներկայացուցիչների հետ իմ հանդիպումները ցույց տվեցին, որ դա նաեւ նրանց օրակարգի կարեւոր մաս է: Եվ ես ուրախ եմ, որ Microsoft-ը կարող է իր լուման ունենալ այդ հարցում:

Ռոնալդ Բինկոֆսկիի հետ զրուցել է Նարինե Դանեղյանը

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo