Sevan Startup Summit 2018

22 Հուլ 2018 - 29 Հուլ 2018
Սեւան

Սամմիթին կմասնակցի շուրջ 1000 ձեռներեց ամբողջ աշխարհից, այդ թվում 120 ստարտափ թիմ
Գրանցվել

Ալ Եսայան

IntelinAir

Ամերիկահայ գործարար, IntelinAir ընկերության հիմնադիր

Րաֆֆի Գրիգորյան

U.S. Democratic National Committee

ԱՄՆ դեմոկրատական կուսակցության ազգային հանձնաժողովի գլխավոր տեխնոլոգիական տնօրեն (CTO)

Դավիթ Յան

ABBYY

ABBYY համակարգչային ծրագրերի ընկերության հիմնադիր, Lingvo էլ. բառարանի ստեղծող

Պիեռ Հեննես

Granatus Ventures

«Գրանատուս Վենչուրս» ընկերության համահիմնադիր եւ կառավարող գործընկեր

Dictoro

Սպորտային հանդիպումների հաշիվների կանխատեսում

Melon Splash

Փրկել փոքրիկ կենդանիներին

Dinebook

Նախապես տեղ ամրագրել ժամանցի վայրերում

Calculator (APPA)

Հաշվել ԱՊՊԱ-ի հետ կապված ծախսերը

TaxoLine

Տաքսիների օնլայն պատվիրում Երեւանում

Noble Run

Անցնել խոչընդոտները եւ ողջ մնալ

PicsArt

Lուսանկարների խմբագրման համակարգ

Mathuk

Մաթեմատիկա սովորեցնող օնլայն համակարգ

IT պատանիներ. Արամ Պողոսյան

Ապացուցված է, որ տեխնոլոգիաների հանդեպ սերը ծնվում է մանկուց: Այսօր աշակերտները դպրոց են հաճախում սմարթֆոնով, իսկ դասերը պատրաստում՝ պլանշետով:

Այսօր Հայաստանում շատ են պատանիները, որոնք սմարթֆոն եւ պլանշետ օգտագործելուց բացի, իրենք են փորձում ինչ-որ բան ստեղծել՝ խաղ, հավելված կամ ծրագիր:

Itel.am-ը «IT պատանիներ» շարքում ներկայացնում է վաղ տարիքից տեխնոլոգիաներով հետաքրքրվող եւ այս ոլորտում պրոդուկտ ստեղծող հայ պատանիների:

14-ամյա Արամ Պողոսյանն արդեն մի քանի տարի է՝ ինքնուրույն ուսումնասիրում է ռոբոտաշինություն:  

«Հետաքրքրությունն առաջացավ աուդիո ուժեղացուցիչների հավաքման գործընթացից: Նման սարք պատրաստեցի, ապա՝ ինձ սկսեց հետաքրքրել էլեկտրոնիկան: Սրան հաջորդեց ավելի լուրջ սարքեր հավաքելը, սխեմաների եւ թարթող լույսերի ծրագրավորումը: Մոտ 3 տարի լրիվ ինքնուրույն եմ էլեկտրոնիկա ուսումնասիրել: Հիմա ինքնուրույն ծրագրավորում եմ սովորում, ռոբոտներ եւ տարբեր սարքեր հավաքում»,- պատմում է նա:


Լուսանկարը՝ Մեդիամաքս


Արամի խոսքով՝ էլեկտրոնիկայով հետաքրքրվող ծանոթներ կամ բարեկամներ չունի:

«Ամբողջ ինֆորմացիան վերցնում եմ ինտերնետից՝ վիդեո դասեր, տարբեր տեղեկատվական նյութեր: «Ռադիոսիրող» խանութն էլ ինձ սարքերի մասերով է աջակցում, նաեւ առաջադրանքներ եւ խորհուրդներ տալիս: Շուրջ 3 ամիս առաջ ընդունվեցի «Արմաթ» լաբորատորիա, շատ լավ ուսուցիչ ունեմ եւ այս ընթացքում շատ բան եմ սովորել»,- նշում է Արամը:

Մինչ օրս իր ամենահաջողված նախագիծն Արամը համարում է զոդիչը կայանի պատրաստումը.

«Կայանը պատրաստել էի մինչեւ «Արմաթ» ընդունվելը: Ինքնուրույն տուփն էի պատրաստել, մասերը հանել էի հին համակարգչից: «Արմաթ» ընդունվելիս առաջարկեցին, որ ցուցադրության համար թափանցիկ կորպուս պատրաստենք, ինչն էլ արեցինք: Ի տարբերություն չինական նմանօրինակներին, պատրաստածս զոդիչ սարքն ավելի մատչելի է, ունի դիսփլեյ, կառավարումն ավելի հեշտ է: Մասսայական արտադրություն սկսելու դեպքում կարժանանա մոտ 40 հազ դրամ»:


Լուսանկարը՝ Մեդիամաքս


Արամը զոդիչի կայանի արդեն 5 պատվեր ունի եւ ամառային արձակուրդները ծախսելու է արտադրություն սկսելու վրա: Միաժամանակ՝ նա «խելացի տան» նախագծի վրա է աշխատում:

Արամը հասկացել է, որ Հայաստանում ծրագրավորման պահանջարկը չափազանց մեծ է: Որոշել է մնալ Հայաստանում, ընդունվել «Ինստիգեյթ»-ին կից ավագ դպրոց, ապա այնտեղ անցնել աշխատանքի:

Բլից հարցեր՝

- Բակում ֆուտբո՞լ, թե՞ տանը՝ համակարգչային խաղ:

- Բակում ֆուտբոլ, սակայն նայած՝ երբ: Փորձում եմ ամեն օր ժամանակ հատկացնել բակում խաղալուն: Սխալ եմ համարում ամբողջ օրը նստել համակարգչի առջեւ, երբեմն պետք է մաքուր օդ շնչել: Համակարգչային խաղերով մինչեւ 12 տարեկանն էի շատ տարված:

- Աշխարհի երեսից վերացել են համակարգիչներն ու սմարթֆոնները, ի՞նչ կանեիր:

- Եթե աշխատանքային գործիքս վերանար, առնվազն կտխրեի:
Արամ Պողոսյանը

Արամ Պողոսյանը
Լուսանկարը՝ Մեդիամաքս


- Ինչի՞ վրա կծախսեիր վաստակածդ առաջին միլիոնը:

- Ինձ համար լավ համակարգիչ կգնեի, տնեցիներին՝ նվերներ: Հնարավոր է՝ ռոբոտաշինության խմբակ հիմնադրեի երեխաների համար ու դասավանդեի այնտեղ իմ մեթոդներով:

-Արձակուրդ Սիլիկոնյան հովտո՞ւմ, թե՞ հանգիստ Մալդիվյան կղզիներում:

-Կարծում եմ Google-ի, Facebook-ի գրասենյակները գոնե մեկ անգամ տեսնել է պետք, այնպես որ կընտրեմ առաջին տարբերակը:

- ՏՏ ո՞ր հայտնի դեմքի հետ կցանկանայիր ճաշել:

-Կցանկանայի հանդիպել Բիլ Գեյթսի հետ ու զրուցել ծրագրային մի շարք հարցերի շուրջ, հետաքրքրվել, թե ինչպես է նա հաղթահարել խոչընդոտներն այս տարիների ընթացքում: Եթե Հայաստանում լինեինք, խորոված կպատվիրեինք, քանի որ սրտանց ուզում եմ, որ Բիլ Գեյթսը ծանոթանա հայկական խոհանոցին (ծիծաղում է - խմբ.):

Նարինե Դանեղյան
Լուսանկարները՝ Էմին Արիստակեսյանի

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo