Climate Tech Hackathon

30 Հուն 2018 - 01 Հուլ 2018
ISTC

24-ժամյա միջոցառումը կստեղծի անտառային և գյուղատնտեսության մարտահրավերների լուծումներ գտնելու բարենպաստ միջավայր
Գրանցվել

Blockchain Hackathon: Securing the integrity of elections

23 Հուն 2018 - 24 Հուն 2018
Hero House

Թիմերը 30 ժամվա ընթացքում կզարգացնեն իրենց լուծումները
Գրանցվել

Ալեքսիս Օհանյան

Reddit

Ամերիկահայ ձեռներեց, ներդրող, Reddit սոցիալական լրատվական կայքի համահիմնադիր

Հայկ Կայսերյան

KAYWEB and KAYWEB Angels

Ավստրալաբնակ հրեշտակ ներդրող, KAYWEB, KAYWEB Angels ընկերությունների հիմնադիր

Մարինա Մխիթարյան

Kolba Lab

ՄԱԶԾ/Կոլբա նորարարական լաբորատորիայի ղեկավար

Նինա Աչաջյան

HIVE

HIVE ներդրումային հիմնադրամի հիմնադիր

Playland Armenia

Կրթական եւ ժամանցային անվճար խաղային հարթակ

gg

Ավտոմեքենա պատվիրելու օնլայն համակարգ

LiveBoard

Ինտերակտիվ գրատախտակ՝ նկարելու եւ զրուցելու համար

Share4Car

Օնլայն AutoStop-ը միավորում է նույն ճանապարհով երթեւեկողներին

Zangi

Անվճար HD տեսազանգեր,չաթ

Velopark

Հեծանվային կայանատեղիների, սպասարկման կետերի որոնում

CityNabz

Ժամանցային միջոցառումների տեղեկատու

Dinebook

Նախապես տեղ ամրագրել ժամանցի վայրերում

ՏՏ-ն երեկ, այսօր, վաղը. Եվա Հյուսյան

Տեղեկատվական տեխնոլոգիաների ոլորտը վերջին տարիներին Հայաստանում դարձել է տնտեսական հրաշքի բացառիկ օրինակ: Քայլ առ քայլ «այթիշնիկները» ստեղծել են իրենց աշխարհը` հազարավոր աշխատատեղերով ու միջինից մի քանի անգամ բարձր աշխատավարձով, ասել է թե` «տնտեսություն տնտեսության մեջ»:

Itel.am-ի «ՏՏ-ն երեկ, այսօր, վաղը» շարքում հաջողակ ընկերությունների հիմնադիրներն ու ղեկավարները ներկայացնում են իրենց անցած ուղին եւ խորհուրդներ տալիս սկսնակներին:

Շարքի այսօրվա զրուցակիցը Sololearn ընկերության համահիմնադիր Եվա Հյուսյանն է:

Sololearn-ի մասին

Sololearn.com-ը ծրագրավորում սովորեցնող ամենամեծ հարթակներից մեկն է աշխարհում, ունի ավելի քան 15 մլն օգտվող աշխարհի ավելի քան 200 երկրներից: Վեբ տարբերակից բացի՝ SoloLearn-ը հասանելի է Windows Store-ում, Google Play-ում եւ App Store-ում: Ընկերությունը հիմնադրվել է 2014 թ.: Ստարտափ հետազոտություններով զբաղվող Mattermark ընկերությունը Sololearn-ը 2015-ին ճանաչել է Սիլիկոնյան հովտի (Bay Area) մինչեւ $10 մլն ֆինանսավորում ունեցող թոփ 10 ստարտափներից մեկը:
 
ՏՏ-ն հինգ տարի առաջ եւ հիմա

Տեղեկատվական տեխնոլոգիաների ոլորտը Հայաստանում մեծ աճ ապրեց հատկապես վերջին հինգ տարիներին: Եվա Հյուսյանի խոսքով` փոփոխությունը, ամեն ինչից զատ, գիտակցական մակարդակում է նկատելի:

«Տարիներ առաջ «ստարտափ» բառն անգամ ծանոթ չէր շատերին: ՏՏ ոլորտի մարդիկ էլ շատ ու աչքի ընկնող չէին, շատ չէին հաջողության պատմությունները, կոնֆերանսները եւ այլն: Հիմա շատ ավելի շատ մարդ է այս միջավայրի մեջ, ինչը շատ լավ է: Շատ են հաջողության պատմությունները, ճանաչված դեմքերը, ու հենց սա է խթանում ոլորտի աճին»:

Եվա Հյուսյանը

Եվա Հյուսյանը
Լուսանկարը՝ Մեդիամաքս


Ձախողման հավանականության մասին

Երեք տարում մեծ հաջողությունների հասած ընկերության համահիմնադիրն այսօր շատ լավ է հիշում այն ճանապարհը, որով անցել են սեփական ստարտափը կայացնելու համար: Դժվարություններ շատ են եղել, տապալվելու վտանգը՝ «գլխիդ վերեւում կախված»:

«Երբ ստարտափ ես սկսում, գտնվում ես մի անորոշ վիճակում, ստեղծում ես պրոդուկտ, որը ինչ-որ մարդիկ տեսականորեն կհավանեն, կօգտագործեն ու ինչ-որ պահի կսկսեն դրա համար քեզ գումար վճարել: Եթե գաղափարդ թարմ է, ստեղծածդ էլ տարբերվող, սկսում ես գնալ մի ճանապարհով, որը մինչեւ քեզ ոչ ոք չի անցել, եւ այդ դեպքում ձախողվելու հավանականությունը բավական մեծ է»:

Ստարտափերների երկու խմբերը

Ստարտափերներին Եվա Հյուսյանը պայմանականորեն բաժանում է երկու խմբի: Նրա խոսքով` երկուսն էլ կարծես նույն գործով են զբաղված, տարբեր են միայն նպատակները:

«Առաջին խումբն այն մարդիկ են, որոնք հաճույք են ստանում ստարտափ միջավայրում լինելուց, անընդհատ ինչ-որ բան ստեղծել-ձախողելուց: Իրենց ունակությունները ծախսում են տարբեր ֆոնդերից գրանտներ շահելու ու այդ միջոցներով ապրելու վրա:

Երկրորդը մարդիկ են, որոնք ինչ-որ նպատակ ու գաղափար ունեն ու ամեն ինչ անում են դրան հասնելու համար: Որպես կանոն հենց սրանք են կարողանում հաջողության հասնել ու կյանքի կոչել որեւէ հավակնոտ ծրագիր: Այս խումբը նույնպես զերծ չէ ձախողումներից, սակայն անընդհատ փորձելուց հետո ինչ-որ պահի ստացվում է»:

Մենթոր գտնելու կարեւորության մասին

Sololearn-ի համահիմնադրի կարծիքով՝ ստարտափների թե՛ հաջողության, թե՛ ձախողման մեջ մեծ դեր կարող են ունենալ մենթորները: Նոր գործ սկսելիս պետք է գտնել մարդկանց, որոնք ձեր կողքին կլինեն ցանկացած պարագայում:

«Ամեն մարդ չէ, որ պատրաստ է մենթոր դառնալ ու անշահախնդիր օգնել: Նրանց նախ պետք է հետաքրքրես քո չկրկնվող գաղափարով ու փոփոխություն անելու ցանկությամբ: Շատ կարեւոր է, որպեսզի ստարտափերները գտնեն այնպիսի մենթորներ, որոնք անցել են նույն ճանապարհը, ինչ իրենք, անցել են նույն փորձությունների միջով, զարգացման որոշակի փուլերում բախվել նույն խնդիրներին եւ այլն: Սա շատ կարեւոր գործոն է»:
Եվա Հյուսյանը

Եվա Հյուսյանը
Լուսանկարը՝ Անձնական արխիվ


Ֆինանսավորման աղբյուրների մասին

Որքան էլ որ խոսվի զրոյից ու առանց ֆինանսական ներդրման ստարտափ կամ բիզնես անելու մասին, միեւնույն է, որոշակի փուլում ֆինանսական ներդրման կարիք է զգացվում: Եվա Հյուսյանի խոսքով` իրենց հաջողությանը շատ օգնեց Համաշխարհային բանկի տրամադրած դրամաշնորհը:

«Մենք ներդրել էինք այն ամենը, ինչ կարող էինք: Բայց որոշ ժամանակ անց համաշխարհային շուկա դուրս գալու ու արտասահմանյան ներդրողերին գրավելու համար մեզ փող էր պետք տարրական խնդիրներ լուծելու, գոնե մի քանի ծրագրավորողի աշխատավարձ տալու համար: Թեպետ հետո շատ ավելի մեծ ներդրումներ ունեցանք, բայց առաջխաղացման առումով հենց այդ $50 հազ. դրամաշնորհը շատ օգնեց: Հայաստանում նման ներդրողները քիչ են: Պետությունը գրանտներ չի տալիս, ինչպես, օրինակ, Իսրայելում է, որտեղ տարիներ շարունակ պետությունը ֆինանսավորում էր պոտենցիալ ապագա ունեցող ստարտափներին»:

Սուրեն Ստեփանյան

submit to reddit

Մեկնաբանություններ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:



banks
mediamax
sport
bravo