Հայտնի են մարտի 17-19-ը Հայ-Ռուսական համալսարանում կայացած Startup Boost Weekend ուսանողական մրցույթի հաղթող թիմերը:
Կազմակերպիչների խոսքով՝ սա Հայաստանում առաջին միջոցառումն է, որը թիրախավորում է համալսարանի ուսանողներին՝ ստարտափ մշակույթը տարածելով նաեւ ակադեմիական միջավայրում:
54-ժամանոց միջոցառման շրջանակում Հայ-Ռուսական համալսարանի եւ Ամերիկյան համալսարանի ուսանողները միասին մշակել են նոր բիզնես-գաղափարներ եւ ոլորտի առաջատար մենթորների օգնությամբ ներկայացրել դրանք:
Հաղթող է ճանաչվել Bridge թիմը, որը կընդգրկվի EPIC Startup Incubator-ի ծրագրում, կստանա հնարավորություն ներկայացնել գաղափարը Sevan Startup Summit 2017-ում, ինչպես նաեւ կստանա $600 մրցանակ եւ գրքերի փաթեթ: Bridge-ը հարթակ է, որը կապում է ուսանողներին եւ ընկերություններին՝ ինտերնշիփի հնարավորությունների համար:
2-րդ տեղում հայտնված Send to Soldier թիմին շնորհվել է $400 մրցանակ եւ գրքերի փաթեթ: Այն առաքման ծառայություն է, որը թույլ է տալիս զինվորներին փաթեթներ ուղարկել:
3-րդ տեղում է հայտնվել Quick Survey թիմը, որն օնլայն հարցումների գործիք է բիզնեսների համար եւ հեշտացնում է թիրախային լսարանից կարծիք ստանալու հնարավորությունը:
«Ստարտափ մշակույթի հաջող ներկայացումը հայ ուսանողներին կնպաստի հայաստանյան ՏՏ էկոհամակարգի ընդհանուր հաջողությանը, որը պետք է նպաստի ՏՏ ձեռներեցության աճին եւ ապահովի տեխնոլոգիական զարգացումը»,- ասել է Հայ-Ռուսական համալսարանի տեխնոլոգիական զարգացման գծով տնօրեն Համբարձում Քաղկեցյանը:
Միջոցառումը կազմված է եղել մի շարք բաղադրիչներից՝ թիմերի ձեւավորում, ստարտափ փիչինգ, նախատիպերի մշակում, UI/UX դիզայն, բիզնես մոդելի գեներացում, փորձագետներից խորհրդատվություն եւ այլն:
![](https://itel.am/datas/znews/big_[{"basename":"22387_b.jpg","link":"\/2017\/03\/18\/58ccc4a238e5e7.57379394.jpg","description":{"am":{"label":"","author":"ՀՀ նախագահի մամուլի ծառայություն"},"ru":{"label":"","author":""},"en":{"label":"","author":""}},"show_in_text_place":"","hide_from_gallery":"on","sort_order":"0","top":"off"}])
09:23 | 18.03.17 |
Նորություններ
«Ստարտ Արմենիա» մրցույթի հաղթողները հանդիպել են նախագահի հետ
![](https://itel.am/datas/znews/big_[{"basename":"1-(2).jpg","link":"\/2017\/03\/17\/58cbecf5db1cf4.25221438.jpg","description":{"am":{"label":"","author":""},"ru":{"label":"","author":""},"en":{"label":"","author":""}},"show_in_text_place":"","hide_from_gallery":"on","sort_order":"1","top":"off"}])
18:04 | 17.03.17 |
Նորություններ
Երեւանում ներկայացվել է նորարարական MaxPatrol ծրագիրը
