Մարտի 10-ին ՀՀ վարչապետ Կարեն Կարապետյանն այցելել է Սյունիքի մարզի Տեղ գյուղի թիվ 1 միջնակարգ դպրոցի նորաբաց «Արմաթ» ինժեներական լաբորատորիա:
Ինֆորմացիոն տեխնոլոգիաների ձեռնարկությունների միության (ԻՏՁՄ) եւ «Գոր մետալ» ընկերության աջակցությամբ բացված լաբորատորիայում անվճար կրթություն կստանան ինչպես Տեղ գյուղի, այնպես էլ հարակից բնակավայրերի դպրոցականները: Եռաչափ տպիչով, համակարգիչներով եւ ռոբոտաշինության հավաքածուներով կահավորված լաբորատորիայում աշակերտները կսովորեն ծրագրավորման եւ ռոբոտաշինության հիմունքներ:
ԻՏՁՄ գործադիր տնօրեն Կարեն Վարդանյանը վարչապետին ներկայացրել է Միության կողմից իրականացվող կրթական համակարգում ինժեներական լաբորատորիաների ներդրման ծրագրի նպատակներն ու հնարավորությունները: Վարչապետն իր հերթին կարեւորել է տեխնոլոգիական կրթության շարունակական զարգացումը երկրում եւ ընդգծել, որ Հայաստանի համար տեղեկատվական տեխնոլոգիաների ոլորտը կարող է դառնալ տնտեսության առաջընթացի շարժիչ ուժ:
Ներկայում «Արմաթ» ինժեներական լաբորատորիաներ գործում են ՀՀ-ի (ներառյալ Արցախի) շուրջ 200 դպրոցներում: «Արմաթ»-ում այժմ սովորում է ավելի քան 5000 դպրոցական:
17:27 | 10.03.17 |
Նորություններ
ՎիվաՍել-ՄՏՍ-ը հանդես է եկել նոր առաջարկով
15:06 | 10.03.17 |
Նորություններ
Beeline-ին շնորհվել է «Օրինապահ հարկ վճարողի» հավաստագիր
