Նախօրեին Գյումրիի «Դեպի առաջ» երեխաների զարգացման կենտրոնում բացվել է «ԱրՄաթ» ինժեներական լաբորատորիա, որը Գյումրի 10-րդ ինժեներական խմբակն է, իսկ Շիրակի մարզում՝ 19-րդը:
Լաբորատորիան հիմնվել է «Փարոս» հիմնադրամի ֆինանսական աջակցությամբ:
«Արմաթը» համալրված է համակարգիչներով, եռաչափ տպիչով եւ ռոբոտաշինության դետալներով: Խմբակ-լաբորատորիան գործում է անվճար հիմունքներով: Գյումրիի եւ հարակից բնակավայրերի երեխաներն այստեղ կստանան ժամանակակից տեխնոլոգիական կրթություն՝ յուրացնելով ռոբոտաշինության եւ ծրագրավորման ժամանակակից հմտություններ:
«Արմաթ»-ն ապահովում է նաեւ պրակտիկ հմտությունների, ստեղծագործականության զարգացում, ստեղծում Հայաստանի բոլոր մարզերի դպրոցականների հետ շփման եւ աշխատելու արդյունավետ հարթակներ: Երեխաների համար կազմակերպվում են տարբեր խրախուսական մրցույթներ, ճամբարներ, ցուցահանդեսներ եւ այլն:
«Դեպի առաջ» երեխաների զարգացման կենտրոնի «Արմաթ» ինժեներական լաբորատորիայի բացմանը մասնակցել են Գյումրիի քաղաքապետի տեղակալ Վաղարշակ Մխիթարյանը, «Փարոս» հիմնադրամի, Ինֆորմացիոն տեխնոլոգիաների ձեռնարկությունների միության (ԻՏՁՄ) ներկայացուցիչներ:
![](https://itel.am/datas/znews/big_[{"basename":"TOP.jpg","link":"\/2017\/01\/26\/5889a83f7e51f8.71218120.jpg","description":{"am":{"label":"","author":"TechCrunch"},"ru":{"label":"","author":"TechCrunch"},"en":{"label":"","author":"TechCrunch"}},"show_in_text_place":"","hide_from_gallery":"on","sort_order":"0","top":"off"}])
11:40 | 26.01.17 |
Նորություններ
Facebook-ը ներդրել է գրառումների ինքնաոչնչացման Stories գործառույթը
