Հայտնի են դեկտեմբերի 10-ին Ստեփանակերտում կայացած StartUp Challenge for Artsakh նորարարական բիզնես-գաղափարների մրցույթ-աքսելերացիոն ծրագրի հաղթողները:
Մրցույթին մասնակցել է 12 ստարտափ՝ Արցախից եւ Հայաստանից:
Մրցույթի կազմակերպիչ «Թեքնոլոջի ընդ Սայնս Դայնամիքս» ընկերությունից Itel.am-ին հայտնել են, որ հաղթող է ճանաչվել երկու թիմ Արցախից եւ երկու թիմ՝ Հայաստանից:
«Recycle Bin» - ծրագիրը վերաբերում է ԼՂՀ-ում աղբահանության խնդրի լուծմանը:
«Bus Traffic Online» - ծրագիրը վերաբերում է Ստեփանակերտի տրանսպորտային համակարգին: Այն հնարավորություն է տալու իրական ժամանակում եւ անվճար հիմունքներով հետեւել երթուղայինների շարժին եւ, ըստ դրա, ճիշտ պլանավորել ժամանակը:
«Brain Bit» - ծրագիրը նախատեսում է ստեղծել եւ Արցախում ներդնել վեբ-հարթակ, որը հնարավորություն է տալիս առանց ծրագրավորման գիտելիքների ստեղծել բոտեր՝ բիզնեսի գործունեության խթանման համար:
«Ինքնաշխատ ծորակը» - նպատակ ունի ստեղծել ինքնաշխատ ծորակների տեղական արտադրություն: Առավելությունն այն է, որ հնարավոր է տեսնել ջրի ջերմաստիճանը եւ կարգավորել տաքությունը:
Հաղթող գաղափարներից երեքը կֆինանսավորվեն «Թի-Էս-Դի» ընկերության կողմից, իսկ «Recycle Bin» ծրագիրը կֆինանսավորվի ԼՂՀ Կառավարության կողմից:
«Թի-Էս-Դի» ընկերության հիմնադիր տնօրեն Վահան Շաքարյանի խոսքով՝ հաղթող թիմերի հետ կաշխատեն ընկերության տնտեսագետները՝ օգնելով կատարելագործել եւ ամբողջական տեսքի բերել իրենց բիզնես-գաղափարները, որից հետո կսկսվի ֆինանսավորման փուլը:
Այն թիմերին, որոնց չի հաջողվել մրցանակային տեղեր զբաղեցնել, հնարավորություն կստանան աշխատել իրենց բիզնես-գաղափարների վրա, փոփոխություններ կատարել դրանցում եւ ավելի արդյունավետ մոդելներ կազմելով՝ նորից դիմել ֆինանսավորման համար:
14:28 | 15.12.16 |
Նորություններ
ԱՄՆ ՏՏ համայնքը Թրամփին հիշեցրել է Եղեռնի մասին
13:04 | 15.12.16 |
Նորություններ
Հայտարարվել է ՏՏ ոլորտում մասնագիտացած զորակոչիկների մրցույթ
