ՀՀ Կրթության եւ գիտության նախարարությունը եւ Dasaran կրթական ծրագիրն այսօր կնքել են փոխըմբռնման հուշագիր:
Հուշագիրը նպատակաուղղված է հետեւողականորեն բարելավելու Հայաստանում կրթության որակը, բարձրացնելու կրթության կառավարման արդյունավետությունն ու թափանցիկությունը, կիրառելու համաշխարհային կրթության եւ կրթական ձեւերի լավագույն փորձը:
«Ի վերջո, ստորագրվեց շատ կարեւոր մի հուշագիր մեր համակարգի համար մեծ աշխատանք կատարած ծրագրի հետ: Իրապես, այն, ինչ կատարում է Dasaran-ը, իր որակով, իր ձեւաչափով համաշխարհային ստանդարտների մեջ է»,- նշել է ՀՀ կրթության եւ գիտության նախարար Լեւոն Մկրտչյանը:
Հուշագրի կնքումը միտված է նաեւ Dasaran-ում առկա էլեկտրոնային գործիքների կատարելագործմանը եւ նորերի ստեղծմանը:
ՀՀ կրթության եւ գիտության նախարարը Dasaran կրթական ծրագրի հիմնադիր նախագահ Սուրեն Ալոյանին եւ ծրագրի թիմին նաեւ պարգեւատրել է նախարարության բարձրագույն պարգեւով`«Ոսկե հուշամեդալով»:
«Նման գնահատականն ավելի է պարտավորեցնում մեր ամբողջ թիմին առավել նվիրված եւ հետեւողական լինել մեր գործում: Մենք հավատում ենք, որ մեր ջանքերի եւ անձնվեր աշխատանքի շնորհիվ մեր երկրի կրթական ոլորտը կհասցնենք առավելագույն զարգացվածության»,- ասել է Սուրեն Ալոյանը:
16:45 | 04.11.16 |
Նորություններ
ՏՄՊՊՀ. Ռոումինգի սակագները 8 անգամ նվազել են
15:25 | 04.11.16 |
Նորություններ
Հայկական ստարտափները գնահատում են StartupIstanbul-ը
