12:26 | 02.09.16 | Նորություններ | 4324
Մեկնարկել է ԻՏՁՄ-ի եւ «Ինստիգեյթ»-ի «Համակարգերի տեսություն» ծրագիրը
Սեպտեմբերի 1-ին մեկնարկել է «Համակարգերի տեսություն» (կիբեռնետիկա) կրթական նոր ծրագիրը, որն իրականացվում է «Ինֆորմացիոն տեխնոլոգիաների ձեռնարկությունների միության» (ԻՏՁՄ) եւ «Ինստիգեյթ ուսումնական կենտրոն» հիմնադրամի կողմից՝ ՀՀ կրթության եւ գիտության նախարարության թույլտվությամբ (N837 Ա/2):
Ինչպես հայտնել են ԻՏՁՄ-ում, ծրագրի բացմանը մասնակցել են նախարարի խորհրդական Արտակ Աղաբալյանը, «Ինսթիգեյթ»-ի տնօրեն Վահագն Պողոսյանը, ԻՏՁՄ-ի նախագահ Ալեքսանդր Եսայանն ու փոխտնօրեն Հայկ Չոբանյանը:
«Կրթական ծրագրին մասնակցող 18 աշակերտներն ուսումնական տարին կսկսեն ճանաչողական 5-օրյա արշավով, որը նրանց հնարավորություն կտա ընկերանալ եւ, միաժամանակ, ծանոթանալ հայկական բնաշխարհին»,- ասված է հաղորդագրությունում:
ԻՏՁՄ-ում նշել են, որ ուսման տեւողությունը չորս տարի է. առաջին տարին, որը կանցկացվի Երեւանի ինֆորմատիկայի պետական քոլեջում, ներառելու է հանրակրթական ավագ դպրոցի 10-12-րդ դասարանների ուսումնական ծրագիրը, իսկ հաջորդ երեք տարիներին ուսանողները կստանան մասնագիտական կրթություն` «Համակարգերի տեսություն» մասնագիտության ծրագրին համապատասխան։
4-ամյա ծրագրի ավարտին ուսանողները կստանան ՀՀ հանրակրթության միջնակարգ ընդհանուր կրթության վկայական եւ «Համակարգերի տեսություն» մասնագիտական որակակավորում։
12:17 | 02.09.16 |
Նորություններ
Ucom-ը բնակարաններ կնվիրի օլիմպիական չեմպիոններին
11:32 | 02.09.16 |
Նորություններ
ՏՀՏ գործատուների միությունը եւ ԱԱԽ-ն կհամագործակցեն
