Ծաղկաձորում ապրիլի 8-10-ը կանցկացվի «Ինովացիոն տուրիզմ» թեմայով առաջին հաքաթոնը, որը 48 ժամ շարունակ մի հարկի տակ կպահի թեմայի շուրջ լուծումներ մշակող 15 թիմի:
Մրցույթի կազմակերպիչներն են «Երիտասարդ ծրագրավորողներ» հասարակական կազմակերպությունը եւ Հայաստանի երիտասարդական հիմնադրամը՝ Հանրային լրագրության ակումբի հետ համատեղ:
Գրանցման հայտը հասանելի է այստեղ: Մասնակցությունն արժե 5000 դրամ:
Հաքաթոնի շրջանակում տարբեր մասնագետներից կազմվելու են թիմեր, որոնք զբոսաշրջության բնագավառում աշխատող փորձագետների օգնությամբ կմշակեն տուրիզմի զարգացմանն ուղղված նորարարական ՏՏ լուծումներ եւ միջոցառման ավարտին կներկայացնեն ժյուրիին:
Միջոցառումը «ՀՀ-ում Տեղեկատվական Տեխնոլոգիաների միջոցով Տուրիզմի զարգացմանն ուղղված ծրագրի» հիմնական բաղադրիչն է:
Հաքաթոնին կարող են մասնակցել տուրիզմի եւ ՏՏ ոլորտներով հետաքրքրված երիտասարդներ, որոնք պատրաստակամ են համագործակցելու եւ իրենց ներդրումն ունենալու զբոսաշրջության ոլորտի զարգացման մեջ: Միջոցառմանը կարող են մասնակցել նաեւ այլ ոլորտներից հետաքրքրված ներայացուցիչներ:
08:33 | 01.04.16 |
Նորություններ
Հայաստանը լոկալ հաքաթոնով կմասնակցի ՆԱՍԱ-ի Space Apps Challenge-ին
06:57 | 01.04.16 |
Նորություններ
Microsoft. ՀՀ ստարտափների մեծ մասն իր բիզնեսը կառուցում է ամպերում
