Beeline-ի Eurasia Mobile Challenge մրցույթի կիսաեզրափակիչը կհեռարձակվի YouTube-ով

Beeline-ը տեղեկացնում է, որ Eurasia Mobile Challenge մրցույթի տարածաշրջանային կիսաեզրափակիչը կհեռարձակվի հունվարի 28-ին YouTube-ով:

Հիշեցնենք, որ մրցույթին գրանցված հայաստանյան երիտասարդ ձեռներեցների 54 թիմերից տեղական ժյուրին հաղթող է ճանաչել երեք թիմերի:

Սեպտեմբերին մեկնարկած Eurasia Mobile Challenge մրցույթը «ՎիմպելԿոմ»-ի «Make your Mark» գլոբալ ռազմավարության շրջանակում իրականացվող նախագիծ է:

Մրցույթն անցկացվում է Huawei Technologies Co, Ltd ընկերութան հետ համատեղ:

Մրցույթի շրջանակում երիտասարդ ձեռներեցների խնդիրն էր մշակել բջջային տեխնոլոգիաների ոլորտում հերթական նշանակալի լուծումը հետեւյալ կատեգորիաներում` «ժամանց եւ մշակույթ», «շրջակա միջավայր», «սոցիալական» կամ «այլ»: