Freedom House կազմակերպությունը հրապարակել է իր ամենամյա «Համացանցի ազատություն» (Freedom on the Net – 2015) զեկույցը, որում Հայաստանը ճանաչվել է «ազատ ինտերնետով» երկիր:
Երկրները զեկույցում դասակարգվել են 0-ից (ամենաազատ) մինչեւ 100-միավորանոց (ամենաքիչ ազատ) սանդղակով: Ըստ այդմ, 0-30 միավոր ստացած երկրները «ազատ» են, 31-60 միավորը՝ «մասամբ ազատ» եւ 61-100 միավորը՝ «ոչ ազատ»:
Հայաստանը, ինչպես եւ անցած տարի, 28 միավոր է հավաքել համացանցի ազատության սանդղակում:
«Հայաստանում ինտերնետի մատչումը շարունակում է աճել, թեեւ ինտերնետի ներթափանցման մակարդակը 50%-ից ցածր է, եւ 2014թ. վերջին ինտերնետի միջին արագությունը կազմել է 3.2 մգբթ: Ենթակառուցվածքում կատարված բարեփոխումները նպաստել են ինտերնետ ծառայության ավելի քիչ խափանումների՝ նախորդ տարիների համեմատ»,- ասված է զեկույցի՝ Հայաստանին նվիրված մասում:
Տարածաշրջանի երկրներից «ազատ համացանցով» երկիր է նաեւ Վրաստանը (24 միավոր): Հարեւաններ Թուրքիայում (58 միավոր) եւ Ադրբեջանում (56 միավոր) ինտերնետը «մասամբ ազատ» է, իսկ Իրանում՝ «անազատ» (87 միավոր):
Եվրասիական տնտեսական միության անդամ Ռուսաստանում, Ղազախստանում եւ Բելառուսում ինտերնետն «անազատ» է:
Freedom House-ը չափել է համացանցի եւ թվային մեդիաների ազատությունը 65 երկրում։
13:37 | 28.10.15 |
Նորություններ
Շախմատի մրցաշար` ՏՏ ընկերությունների համար
15:30 | 27.10.15 |
Նորություններ
ՎիվաՍել-ՄՏՍ-ի աջակցությամբ ջեռուցվել է Արծվաբերդի մարզադպրոցը
