Շախմատի մրցաշար` ՏՏ ընկերությունների համար

Նոյեմբերի 9-ին ՏՏ ոլորտի ընկերությունները կմասնակցեն «Սիներջի Ինթրնեշնըլ Սիսթըմզ» ընկերության եւ Հայաստանի Շախմատի ակադեմիայի կազմակերպած շախմատի մրցաշարին:

«Սիներջի Ինթրնեշնըլ Սիսթըմզ»-ի տարածած հաղորդագրության համաձայն՝ մրցաշարի բացմանը ներկա կլինեն գրոսմայստերներ Արշակ Պետրոսյանն ու Լեւոն Արոնյանը:

Առաջին խաղը տեղի կունենա նոյեմբերի 14-ին (ժամը 12:00-16:00-ը), երկրորդը՝ նոյեմբերի 21-ին (ժամը 12:00-16:00-ը), Շախմատի ակադեմիայում (Շեւչենկո 34):

Մրցանակաբաշխության եւ փակման արարարողությունը տեղի կունենան մրցաշարի վերջին օրը: 

Մրցաշարի մասին լրացուցիչ տեղեկություններ կարող եք գտնել chess.arm.synisys.com կայքում: