11:34 | 21.10.15 | Նորություններ | 3573
Orange-ի աջակցությամբ «Լույս հայի աչքերին» ծրագիրն անցկացվում է Արագածոտնի մարզում
Հայկական ակնաբուժության նախագծի (ՀԱՆ) եւ Orange Հիմնադրամի «Լույս հայի աչքերին» համատեղ ծրագրի շրջանակում հոկտեմբերի 19-ից Աչքի շարժական հիվանդանոցը (ԱՇՀ) Արագածոտնի մարզում իրականացնում է անվճար ակնային զննումներ բոլոր բնակիչների եւ անվճար բուժումներ ու վիրահատություններ սոցիալապես անապահով անձանց համար։
Ակնկալվում է, որ Արագածոտնի մարզում ակնային ստուգումներ կանցնեն 1500 մեծահասակներ եւ նույնքան աշակերտներ:
Orange Հիմնադրամի եւ Հայկական ակնաբուժության նախագծի ղեկավարները հոկտեմբերի 20-ին այցելել են Թալին՝ ծանոթանալու Աչքի շարժական հիվանդանոցի ընթացիկ աշխատանքներին:
««Լույս հայի աչքերին» ծրագիրն Orange Հիմնադրամի կարեւորագույն նախաձեռնություններից է, հատկապես այն պատճառով, որ մարզային բնակիչների համար հասանելի է դարձնում որակյալ ակնային ծառայությունները եւ շոշափելի կերպով բարելավում նրանց կյանքը: Հպարտ ենք Հայկական ակնաբուժության նախագծի հետ երկարամյա համագործակցությամբ եւ ամեն տարի գրանցվող նշանակալի արդյունքներով», - ասել է Orange Արմենիայի գլխավոր տնօրեն Ալեքսանդր Եսայանը:
Աչքի շարժական հիվանդանոցը Թալինում կմնա մինչեւ հոկտեմբերի 24-ը, այնուհետեւ կուղեւորվի Ապարան եւ Աշտարակ:
09:53 | 21.10.15 |
Նորություններ
Վանաձորում «Թումո» կենտրոն կգործի
14:02 | 20.10.15 |
Նորություններ
Հայկական Joomag-ը սկսում է համագործակցել Getty Images-ի հետ
