ՀՀ գյուղատնտեսության նախարարությունը՝ սկսած 2011-ից, ամեն տարի հոկտեմբերի 3-րդ կիրակի օրը նշում է Գյուղատնտեսության աշխատողի օրը, որի շրջանակում Երեւանում կազմակերպում է «Հայագրոֆորում» համաժողովը եւ «ԱրմՊրոդԷքսպո» ագրոպարենային եւ գյուղատնտեսական արտադրանքի ցուցահանդեսը:
ՎիվաՍել-ՄՏՍ-ը «Հայագրոֆորումի» գլխավոր գործընկերն է:
«Երկիրը կերակրողը գյուղացին է: Նա, սակայն, անզոր է լուծելու իր առջեւ ծառացած խնդիրները, որոնք թույլ չեն տալիս հասնել ակնկալվող արդյունքին: Հողագործը պետք է զգա մեր աջակցությունը: ՎիվաՍել-ՄՏՍ-ն այս ոլորտին աջակցելու պատասխանատվություն է ստանձնել տարիներ առաջ: Մասնավորապես՝ բերքը բնության անկանխատեսելի ներգործությունից պաշտպանվելուն եւ նվազագույնի հասցնելուն էր ուղղված հակակարկտային կայանների տեղադրումը: Ողջունում ենք կարեւոր այս համաժողովի մասնակիցներին` մաղթելով արդյունավետ աշխատանք»,-ասել է ՎիվաՍել-ՄՏՍ-ի գլխավոր տնօրեն Ռալֆ Յիրիկյանը:
«Հայագրոֆորում»-ի կազմակերպման նպատակով ՎիվաՍել-ՄՏՍ-ը հատկացրել է շուրջ 10 մլն դրամ: Գյուղատնտեսությունը մշտապես եղել է ընկերության ուշադրության կենտրոնում: Մասնավորապես՝ 2009-2012 թթ. ՎիվաՍել-ՄՏՍ-ի միջոցներով Արմավիրի մարզում տեղադրվել է հակակարկտային 23 կայան:
14:44 | 15.10.15 |
Նորություններ
49 մլն դրամ կանխավճար՝ ՀՀ-ում ՏՏ համաժողովի անցկացման համար
11:56 | 15.10.15 |
Նորություններ
ՎիվաՍել-ՄՏՍ-ի աջակցությամբ տուն է կառուցվել Ներքին Կարմիրաղբյուրում
