17:46 | 24.09.15 | Նորություններ | 3639
Beeline-ը Անուշավան եւ Գետափ համայնքներում թվայնացնում է ֆիքսված կապը
Beeline-ը 2015թ. սեպտեմբերին սկսել է գործող բաժանորդային հեռախոսագծերի վերամիացման աշխատանքները Շիրակի մարզի Անուշավան եւ Գետափ համայնքներում:
Արդիականացման աշխատանքները նախատեսվում է ավարտել մինչեւ նոյեմբերի 20-ը:
Ենթակառուցվածքների թվայնացման աշխատանքների արդյունքում կիրականացվեն սարքավորումների փոխարինման եւ վերազինման աշխատանքներ, իսկ գործող բաժանորդային գծերը կվերամիացվեն նոր թվային կայանին:
«Beeline-ը շարունակում է ենթակառուցվածքի արդիականացմանն ուղղված աշխատանքները՝ կատարելագործելով մեր պարզ եւ հարմար ծառայությունները ողջ Հայաստանի տարածքում: Թվայնացման աշխաատանքների ավարտից հետո Անուշավան եւ Գետափ համայնքների բնակիչներին Beeline-ի ֆիքսված հեռախոսակապի ու լայնաշերտ ինտերնետի պարզ եւ հարմար ծառայությունները հասանելի կդառնան նոր որակով եւ արագությամբ», - ասել է Հայաստանում Beeline-ի գլխավոր տնօրեն Անդրեյ Պյատախինը:
