Գյումրիի տեխնոլոգիական կենտրոնը (ԳՏԿ) 7-րդ դասարանցիների համար կազմակերպել էր Kodu ծրագրավորման դասընթացներ, որոնց մասնակցել է 4 դպրոցի 141 աշակերտ։
Շուրջ 1 ամիս տեւած դասընթացների ընթացքում աշակերտները սովորել են ծրագրավորման հիմունքներ, խաղերի եւ անիմացիաների պատրաստում, ալգորիթմական մտածելակերպ, ինչպես նաեւ ձեռք բերել թիմում աշխատելու ունակություն։
ԳՏԿ-ն ստեղծվել է Ձեռնարկությունների ինկուբատոր հիմնադրամի (ՁԻՀ), ՀՀ կառավարության եւ Համաշխարհային բանկի (ՀԲ) կողմից:
ՁԻՀ-ից հայտնել են, որ ծրագրի արդյունքներն ամփոփվել են այսօր՝ աշակերտների կողմից պատրաստված լավագույն խաղերի ցուցադրության ընթացքում:
Կազմակերպվել է նաեւ հանդիպում-քննարկում Գյումրիի մի շարք այլ դպրոցների ներկայացուցիչների հետ:
Ծրագիրը, հնարավոր է, կրի շարունակական բնույթ, եւ արդյունքում վերապատրաստված ուսուցիչները դասընթացները շարունակեն դպրոցներում՝ Kodu վիզուալ ծրագրավորման գործիքը սովորեցնելով նաեւ այլ աշակերտների։
16:31 | 17.06.15 |
Նորություններ
Orange-ը ինտերնետային նոր առաջարկ է ներկայացրել
