«Յուքոմ»-ի աջակցությամբ թողարկվել է Ա. Խաչատրյանի ստեղծագործությունների սկավառակը

Հունիսի 5-ին՝ ժամը 19:00-ին, Արամ Խաչատրյանի տուն-թանգարանում (Զարոբյան 3) տեղի կունենա «Արամ Խաչատրյանի կամերային ստեղծագործությունները» ձայնասկավառակի շնորհանդեսը:

Ձայնասկավառակը պատրաստվել է «Յուքոմ» ընկերության «Ճանաչիր 1915» նախագծի շրջանակում: Սկավառակում տեղ են գտել Արամ Խաչատրյանի՝ հանրությանը քիչ հայտնի կամերային գործերը:

««Յուքոմ» ընկերությունը պատիվ է ունեցել համագործակցել «Խաչատրյան տրիոյի» երաժիշտների հետ այս ծրագրի շրջանակում եւ մշտապես պատրաստ է նպաստել արվեստի զարգացմանն ու տարածմանը մեր երկրում, ինչպես նաեւ աջակցել հայ տաղանդավոր եւ շնորհալի երաժիշտներին»,- ասված է հաղորդագրությունում: