Ալեքսիս Օհանյանը
photo © mashable.com

Ալեքսիս Օհանյանը հանդիպել է մարզերի աշակերտների հետ

Ամերիկյան Reddit սոցիալական լրատվական կայքի համահիմնադիր եւ գործադիր տնօրեն Ալեքսիս Օհանյանն ապրիլի 26-ին այցելել է «Հայաստանի մանուկներ» հիմնադրամի (COAF)՝ վերջերս վերանորոգած Հացիկի դպրոց:

Ինչպես նշել են հիմնադրամում, Ալեքսիս Օհանյանն այցելել է նաեւ Քարակերտի դպրոցը, որտեղ քննարկմանը միացել են Լեռնագոգ եւ Արտենի գյուղերի անգլախոս աշակերտները:

Պատմելով իր հաջողությունների մասին՝ Ալեքսիս Օհանյանն աշակերտների հետ քննարկել է, թե ինչպիսին են նրանք տեսնում Հայաստանում իրենց ապագան եւ գյուղական համայնքի զարգացումը:

Նա նաեւ կիսվել է իր փորձով եւ խորհուրդներ տվել՝ ինտերնետը որպես ինքնազարգացման լավագույն գործիք օգտագործելու վերաբերյալ:

Ալեքսիս Օհանյանի ուղեւորության վերջին կանգառը եղել է Երվանդաշատ գյուղը, որտեղ նա տեսել է հայ-թուրքական սահմանը եւ Արաքս գետը:

Ալեքսիս Օհանյանի` Itel.am-ին տված բացառիկ հարցազրույցը կարող եք կարդալ այստեղ: