17:23 | 13.01.15 | Նորություններ | 6367
ՎիվաՍել-ՄՏՍ-ի աջակցությամբ Աղվերանում կազմակերպվել է Վիքի ճամբար
«Վիքիմեդիա Հայաստան» գիտակրթական հասարակական կազմակերպությունը՝ ՎիվաՍել-ՄՏՍ-ի աջակցությամբ, 2015թ. հունվարի 7-11-ը Աղվերանում 14-20 տարեկան պատանիների համար կազմակերպել է Ձմեռային վիքի ճամբար:
ՎիվաՍել-ՄՏՍ-ն աջակցել է ճամբարի կազմակերպմանը՝ ապահովելով բարձրակարգ ինտերնետ կապ:
Հունվարի 10-ին ճամբարի մասնակիցները հայերեն Վիքիպեդիան Վիքիպեդիաների ընդհանուր վարկանիշային սանդղակում 42-րդ հորիզոնականից բարձրացրել են 41-րդ հորիզոնական:
Վիքիպեդիան ազատ բովանդակությամբ բազմալեզու հանրագիտարան է, որը կառուցում են Վիքիպեդիա կայքից օգտվողները` ազատ խմբագրման ձևաչափով։ Վիքիպեդիա և քույր նախագծերը համացանցում բովանդակություն ընձեռնող կայքերի լավագույն հնգյակում են:
ՎիվաՍել-ՄՏՍ-ի տարածած հաղորդագրության համաձայն՝ 2014թ. «Վիքիմեդիա Հայաստանը» Վիքի ճամբար էր կազմակերպել Վանաձորում, որն իր արդյունավետությամբ գերազանցել էր համաշխարհային բոլոր վիքի նախագծերին. Լոնդոնի Վիքիմանիա ամենամյա համաժողովում այն ճանաչվել է Վիքիմեդիա լավագույն նախագիծ:
2015թ. «Վիքիմեդիա Հայաստանը» ծրագրում է 4 վիքի ճամբար կազմակերպել, այդ թվում՝ 2 միջազգային:
Աղվերանի ձմեռային Վիքի ճամբարի մասնակիցների ծախսերը հոգացել են ծնողները և ակտիվ վիքի խմբագիրները:
13:42 | 13.01.15 |
Նորություններ
Ամանորին ՎիվաՍել-ՄՏՍ-ի զանգերն ավելացել են 6.32 տոկոսով
16:41 | 29.12.14 |
Նորություններ
Հայաստանում Beeline-ի գլխավոր տնօրենը՝ «Տարվա լավագույն ղեկավար»
