Մաքսիմ Թադեւոսյանը կդառնա Rambler&Co-ի գլխավոր տնօրենի տեղակալ

Rambler&Co ընկերության գլխավոր տնօրենի տեղակալի պաշտոնը հունիսի 16-ից կզբաղեցնի Մաքսիմ Թադեւոսյանը, ով նախկինում ղեկավարում էր Progression գովազդային գործակալությունը:

Այդ մասին «Лента.ру»-ին տեղեկացրել է Rambler&Co-ի PR-տնօրեն Սոֆյա Իվանովան:

Մաքսիմ Թադեւոսյանը պատասխանատու կլինի միասնական առեւտրի գործառույթների համախմբման, Rambler&Co ապրանքանիշի միասնական մարքեթինգային ռազմավարության ներդրման եւ ընկերությանը պատկանող ապրանքատեսակների համար:

Նրա գործունեության առանցքային ուղղությունները կլինեն մեդիահոլդինգի ապրանքատեսակների մարքեթինգային ռազմավարության եւ մոնետիզացման ռազմավարության ձեւավորումը, նոր տեխնոլոգիաների եւ վաճառքի ուղիների ներդրումը, ինչպես նաեւ Rambler&Co-ի գործընկերային նախագծերի զարգացումը: