ՎիվաՍել-ՄՏՍ-ի ղեկավարը պարգեւատրվել է Հայաստանի բնության պահպանության գործին նպաստելու համար

Բնության պահպանության միջազգային միության Նիդերլանդների ազգային կոմիտեի ծրագրերի համակարգող Մարկ Հոխեսլախը ՎիվաՍել-ՄՏՍ ընկերության գլխավոր տնօրեն Ռալֆ Յիրիկյանին պարգեւատրել է հավաստագրով՝ Հայաստանի բնության պահպանության գործում ունեցած մեծ ավանդի համար:

Հանդիպման ընթացքում քննարկվել է Վայրի բնության եւ մշակութային արժեքների պահպանման հիմնադրամի եւ ՎիվաՍել-ՄՏՍ-ի համատեղ ջանքերով իրականացվող`  Կովկասյան կենսաբազմազանության ապաստարանի հայաստանյան ծրագիրը: 

Այն Հարավային Կովկասում դեռեւս միակ կառավարվող մասնավոր տարածքն է:

Նախագծի արդյունավետության մասին են փաստում տարածքի՝ կենսաբազմազանության աճի նկատելի արդյունքները, այդ թվում՝ ՀՀ Կարմիր գրքում գրանցված մի շարք կենդանատեսակների, մասնավորապես` բեզոարյան այծերի,  քարարծիվների, գառնանգղերի քանակական աճը եւ Կովկասյան հովազի առկայությունը: