Բեւեռ-ը կներկայացնի իր լուծումները դեղագործական բիզնեսի կառավարման ոլորտում

Սպրիլի 4-ին Բեւեռ ընկերությունը կանցկացնի հերթական սեմինարը, որի ընթացքում կներկայացվեն ընկերության լուծումները դեղագործական ընկերությունների բիզնեսի արդյունավետության կառավարման բնագավառում:

Ինչպես Մեդիամաքս-ին հայտնել են ընկերությունում, «Bever CRM Pharm՝ դեղագործական ընկերությունների բիզնեսի արդյունավետության կառավարման համակարգ» թեմայով սեմինարին կներկայացվեն Բեւեռ-ի լուծումները, որոնք կառուցված են Microsoft Dynamics CRM հարթակի հիման վրա:

Bever CRM Pharm-ն իրենից ներկայացնում է միասնական ինտեգրված համակարգ, որը նախատեսված է դեղագործական ընկերությունների աշխատանքների արդյունավետ կազմակերպման համար:

Համակարգը կառուցված է Microsoft Dynamics CRM հարթակի հիման վրա եւ ունի հետեւյալ հիմնական գործառույթները.

- բժշկական ներկայացուցիչների կառավարում (field force management);
 
- տվյալների օրացուցային պլանավորում եւ արտապատկերում;

- բժշկական ներկայացուցիչների այցերի պլանավորում եւ բյուջետավորում;   

- բժիշկների արձագանքների եւ այցերի հաշվետվությունների մշակում;

- բժշկական ներկայացուցիչների աշխատանքի արդյունավետության  գնահատում:

Սեմինարի վերաբերյալ առավել մանրամասն տեղեկատվությանը կարող եք ծանոթանալ այստեղ: