Հայաստանի մարզային համալսարանների հետ համագործակցության շրջանակներում Orange Հիմնադրամը կրթաթոշակներ է տրամադրել Հայաստանի պետական ճարտարագիտական համալսարանի (ՀՊՃՀ) Կապանի մասնաճյուղի, Գորիսի պետական համալսարանի եւ Հայաստանի պետական տնտեսագիտական համալսարանի Եղեգնաձորի մասնաճյուղի 34 ուսանողների:
«Ուրախ ենք այսօր նշել, որ մարզային համալսարանների հետ մեր 3-ամյա համագործակցությունը շարունակվում է, իսկ այդ համագործակցության մի բաղկացուցիչն էլ օգնությունն է այն ուսանողներին, ովքեր դժվարանում են լուծել բարձրագույն կրթության ֆինանսական դժվարությունները: Կարծում ենք, որ Հայաստանը ոչ միայն Երեւանն է, այլ բոլոր մարզերը` մեծ ու փոքր բնակավայրերով»,- ասել է Orange Հիմնադրամի խորհրդի նախագահ Ֆրանսիս Ժելիբտերը:
Ուսանողներն ընտրվել են համալսարանների առաջարկով, երկու հիմնական չափանիշների հիման վրա՝ ուսանողի առաջադիմություն եւ ընտանիքի սոցիալական վիճակ: Նույն սկզբունքով նախատեսվում է այս տարվա ընթացքում տրամադրել կրթաթոշակներ ընդհանուր թվով 9 համալսարաններում:
Հայաստանի հարավային շրջաններ կատարած այցի շրջանակներում Ֆրանսիս Ժելիբտերը նաեւ հանդիպում ունեցավ Եղեգնաձորի համալսարանի ուսանողների հետ: Նա հանդես եկավ դասախոսությամբ, իր աշխատանքային փորձով կիսվեց ապագա տնտեսագետների եւ ֆինանսիստների հետ եւ, ներկայացրեց այն հիմնական սկզբունքները, որոնցով առաջնորդվում է Orange-ը:
Բուհերի հետ համագործակցության շրջանակներում ուսանողները կարող են մասնագիտական պրակտիկա անցնել Orange-ում, իսկ ընկերության աշխատակիցները մասնագիտական եւ վերապատրաստման դասընթացներ են իրականացնում ուսանողների համար: Բացի այդ, Գորիսի համալսարանում ստեղծվել է անվճար Orange Wi-Fi ինտերնետ անկյուն:
2011թ. Orange Հիմնադրամը կրթաթոշակներ է տրամադրել 67, իսկ 2012թ.՝ 95 ուսանողների:
14:50 | 18.11.13 |
Նորություններ
ԱրմենՏել-ն ավարտել է 3G ցանցի արդիականացումը Դիլիջանում
16:55 | 15.11.13 |
Նորություններ
Կարեն Վարդանյան. IT-ն կարող է մարել ՀՀ արտաքին պարտքի 50%-ը
