Այսօր Ucom ընկերության տնօրեն Հայկ Եսայանը հայտարարել է, որ Երեւանի կենտրոնի որոշ այգիներ կունենան որակյալ ինտերնետ:
«Մեր ընկերությունը Երեւանի տոնի նախօրեին նվեր է պատրաստել երեւանցիներին: Սարյանի եւ Օպերայի հարակից այգիներn ամբողջությամբ ապահովել ենք WiFi նոր ծածկույթով` նոր թողունակություններով եւ նոր սարքավորումներով, որոնք հնարավորություն կընձեռեն մինչեւ 54Մբ թողունակությամբ ինտերնետ ապահովել այս այգիներում: Մի շարք կայաններ են տեղադրվել: Մեկ կայանից կարող է օգտվել մինչեւ 250 մարդ: Այս ամենը շարունակական բնույթ է կրելու»,-ասել է Հայկ Եսայանը:
Ucom ընկերությունը նախատեսում է մինչեււ տարեվերջ Երեււանի այգիների մեծամասնությունն ապահովել WiFi ծածկույթով: Իսկ հաջորդ տարի ինտերնետ կունենան ոչ միայն այգիները, այլեւ ուսումնական հաստատությունները:
