Google-ը համաձայնել է փոփոխել իր որոնման արդյունքները՝ դրանցում իր սեփական ծառայությունները գովազդելու վերաբերյալ Եվրահանձնաժողովի հետաքննության լույսի ներքո:
Ընկերությունը խոստացել է, որ այսուհետ ավելի արդարացիորեն կտեղադրի որոնման արդյունքներում YouTube-ի, Google Maps-ի եւ իր այլ վեբկայքերի էջերը:
Google-ը խոստացել է նաեւ ցուցադրել իր մրցակից ընկերությունների էջերի հղումները իր սեփական ծառայությունների հղումների անմիջական հարեւանությամբ:
Եվրոպական կարգավորողները կստուգեն Google-ի զիջումների հավաստիությունը մեկ ամսվա ընթացքում: Եթե այդ զիջումները հաստատվեն, ապա դրանք կամրագրվեն օրենսդրորեն մոտակա 5 տարվա համար:
Համաձայնության շրջանակներում Google-ը հստակ կտարանջատի գովազդվող հղումները որոնման այլ արդյունքներից, ինչպես նաեւ կտեղադրի հղումներ դեպի երեք այլ մրցակից որոնողական համակարգեր:
Ուշագրավ է, որ ավելի վաղ ԱՄՆ Դաշնային առեւտրային հանձնաժողովը եւս ուսումնասիրել էր Google-ի որոնման արդյունքները եւ մրցակցային կանոնների խախտում չէր հայտնաբերել:
Բացատրելով, թե ինչու է ԵՄ-ն այլ կարծիքի, Եվրահանձնաժողովը հայտարարել է, որ եթե ԱՄՆ-ում Bing-ը եւ Yahoo-ն իրական այլընտրանք են Google-ին, զբաղեցնելով շուկայի շուրջ 30%-ը, ապա ԵՄ-ում Google-ի շուկայական մասնաբաժինը ավելի քան 90% է:
12:49 | 25.04.13 |
Նորություններ
Երեւանում կանցկացվի մոբայլ հավելվածների տարածաշրջանային մրցույթ
