Այսօր տեղի է ունեցել Orange WiFi «անկյունների» պաշտոնական բացումը Հայաստանի պետական ճարտարապետաշինարարական համալսարանում եւ Հայաստանի պետական կոնսերվատորիայում:
Ինչպես հայտնել են ընկերությունում, համալսարաններում անվճար WiFi-ով զինված անկյունների ստեղծման ծրագիրը մեկնարկել է դեռ 2011թ. եւ նախատեսվում է 2013թ. ընթացքում նման անկյունների թիվը հասցնել 13-ի, որոնցից 9-ը` Երեւանի եւ 4-ը՝ մարզային համալսարաններում:
Նախատեսվում է նման անկյուններ բացել նաեւ Գեղարվեստի պետական ակադեմիայում, Երեւանի պետական ճարտարագիտական համալսարանի Գյումրիի մասնաճյուղում եւ Գավառի պետական համալսարանում:
«Ինտերնետն արդեն մեր առօրյա կյանքի, ինչպես նաեւ ուսումնական գործընթացների անբաժան բաղկացուցիչն է: Այն այսօր աշխարհի համալսարաններում նույնքան կարեւոր եւ պարտադիր է, ինչքան գրադարանը: Վստահ եմ, որ այս WiFi անկյունները կփոխեն ուսանողների ամենօրյա ուսումնական կյանքը եւ կհեշտացնեն նրանց գործը»,- ասել Orange-ի գլխավոր տնօրեն Ֆրանսիս Ժելիբտերը:
13:21 | 27.03.13 |
Նորություններ
«Կենգուրու» մրցույթին այս տարի կմասնակցի 39 500 աշակերտ Հայաստանից եւ Արցախից
14:27 | 26.03.13 |
Նորություններ
Վաղը կկայանա «Ֆիլմ + H20» կինոմրցույթի մրցանակաբաշխությունը
