Տարվա վերջին Հայաստանն ամբողջովին կապահովվի բջջային ծածկույթով, ասել է Ռ. Նազարյանը

2012 թ. ինտերնետ-բաժանորդների քանակը հանրապետությունում հասել է 1մլն 869 հազարի, ԱԺ նիստում ասել է ՀՀ հանրային ծառայությունները կարգավորող հանձնաժողովի նախագահ Ռոբերտ Նազարյանը:

Դա նշանակում է, ինտերնետից օգտվում է Հայաստանի բնակչության 64.5%-ը:

Ներկայացնելով հանձնաժողովի 2013թ. գործունեության ծրագիրը, Ռոբերտ Նազարյանն ասել է, որ այս տարի կշարունակվեն հեռախոսների թվայնացման ու հեռախոսակապի արդիականացման աշխատանքները, իսկ տարվա վերջին հանրապետությունն ամբողջովին կապահովվի բջջային ծածկույթով:

Ըստ Ռոբերտ Նազարյանի՝ 2013 թվականին շարունակվելու է ամրակցված հեռախոսային ցանցերի թվայնացման գործընթացը հանրապետության ողջ տարածքում: Նախատեսում է նաեւ ավարտել հանրային ամրակցված հեռախոսացանցի բաժանորդային գծերի համատեղ օգտագործման կանոնակարգի մշակման աշխատանքները: