15:30 | 14.02.13 | Նորություններ | 1032
Ցանցահենները հրապարակել են .am տիրույթի ավելի քան 9000 կայքի գաղտնաբառեր
Այսօր Pastebin.com կայքում հրապարակվել է հայաստանյան ABCDomain դոմենների հաշվեգրող ընկերությունում գրանցված 9615 դոմենների գաղտնաբառ եւ user ID:
Հաղորդագրությունը տեղադրվել է «Sexavet ... ANTI-armenia.ORG» օգտատիրոջ կողմից, որը հայտնում է, որ կոտրել է ABCDomain-ի սերվերը:
Ընկերությունից Մեդիամաքս-ին հայտնեցին, որ տեղյակ են խնդրի մասին եւ պատրաստվում են մեկ ժամվա ընթացքում հաղորդագրություն տարածել:
Տեղեկատվական անվտանգության փորձագետ Սամվել Մարտիրոսյանը, իր ֆեյսբուքյան էջում ահազանգելով խնդրի մասին, հորդորել է բոլորին ստուգել այդ ցանկում իրենց դոմեյնային անվան առկայությունը, եւ եթե այն առկա է, շտապ փոխել գաղտնաբառը:
Ըստ նրա, հարձակման հեղինակներն ադրբեջանցի ցանցահեններն են, իսկ հրապարակված գաղտնաբառերը իրական են. «Քիչ առաջ մեկ դոմեյնի վրա ստուգեցինք։ Սա խիստ վտանգավոր է»,- գրում է փորձագետը:
14:54 | 14.02.13 |
Նորություններ
Orange-ը ամսական վաճառում է միջինը 2 000 սմարթֆոն
14:51 | 14.02.13 |
Նորություններ
1 դրամ ցանցի ներսում. Orange-ը գործարկել է նոր սակագնային պլան
