Microsoft-ը գործարկել է իր հանրահայտ Office-ի հերթական ծրագրային փաթեթը՝ Office 2013-ը:
Word-ը, Excel-ը, Powerpoint-ը եւ Outlook-ը ռեդիզայնի են ենթարկվել՝ թաչ-սքրին համակարգիչների վրա ավելի լավ աշխատելու նպատակով, գրում է BBC-ն:
Ծրագրերն ինտեգրված են նաեւ Skype-ի հետ, իսկ օգտատերերը կարող են հավելյալ ֆունկցիաներ ավելացնել ընկերության նոր ծրագրային խանութից:
Անցյալ տարի MS Office-ի վաճառքը բելեր է Microsoft-ին $24 մլրդ, ինչն ընկերության ընդհանուր եկամուտների մեկ երրորդն է:
Ակնկալվում է, որ եթե նոր ծրագրային փաթեթն իրեն արդարացնի, այն կխթանի նաեւ Windows 8-ով եւ Windows RT-ով համակարգիչների վաճառքը: Ուսումնասիրությունները ցույց են տվել, որ օգտագործողները անցնում են նոր համակարգերին ավելի դանդաղ, քան անցան Windows 7-ին եւ Vista-ին:
Microsoft-ը չի արտադրել իր նոր ծրագրային փաթեթը iPad-ների եւ Android սարքերի համար:
Նոր Office-ում ֆայլերն առաջարկվում է պահպանել ընկերության ամպային սերվերում՝ SkyDrive –ում, սակայն, օգտագործողների ցանկությամբ, ֆայլերը կարելի է պահպանել նաեւ համակարգչում:
Office 2013-ի ամբողջական փաթեթի գինը մեկ համակարգչի համար կկազմի $140, սակայն Microsoft-ը շեշտադրելու է իր Office 365 Home Premium փաթեթի վաճառքը, որին տարեկան բաժանորդագրությունը միաժամանակ մինչեւ 5 PC-ների կամ Mac-երի համար կարժենա $100:
15:38 | 30.01.13 |
Նորություններ
ՎիվաՍել-ՄՏՍ-ը դեռ չի որոշել հիբրիդ հեռուստահարթակի ներդրման ժամկետները
11:54 | 30.01.13 |
Նորություններ
Քարվաճառի բնակիչները այսօրվանից կարող են օգտվել ինտերնետից
