Երեւան/Մեդիամաքս/. Mail.Ru Փոստի ինտերֆեյսը թարգմանվել է հայերեն: Լեզուն կարելի է փոխել ներքեւի պանելի աջ անկյունում` մեկ քլիքի միջոցով:
«Հայաստանի հարյուր հազարավոր բնակիչներ ամեն օր օգտվում են մեր ծառայությունից: Մենք ձգտում ենք աշխատանքը հնարավորինս հարմարավետ դարձնել եւ հասկանում ենք, թե որքան կարեւոր բաղադրիչ է հանդիսանում մայրենի լեզուն», - ասել է Mail.Ru Փոստի ղեկավար Սերգեյ Մարտինովը:
LiveInternet-ի 2012 թվականի սեպտեմբերի տվյալներով, Հայաստանում Mail.Ru Փոստի օրական լսարանի ծավալը ավելի քան 40%-ով գերազանցել է նախորդ տարվա համանման ցուցանիշը:
