Երեւան/Մեդիամաքս/. ԱրմենՏելը (ապրանքանիշը Beeline) գործարկել է «Ներցանցային 500» ծառայությունը կանխավճարային հաշվարկային համակարգի բաժանորդների համար:
Նոր ծառայությունը հասանելի է ֆիզիկական անձանց և հնարավորություն է տալիս Beeline բաժանորդներին 500 դրամով ձեռք բերել 500 ներցանցային րոպե 7 օր ժամկետով: Նշված ժամանակահատվածում կրկնակի հարցման դեպքում րոպեները գումարվում են և փաթեթի գործողության ժամկետը սահմանվում է 7 օր, հայտնել են ընկերությունում:
«Ներցանցային 500» ծառայության գործարկամամբ «ԱրմենՏել» ընկերությունը ձգտում է ավելացնել լրացուցիչ առաջարկների տեսականին: Առաջարկելով բաժանորդներին խոսակցական ժամանակի մեծ փաթեթ, որում մեկ րոպե խոսելաժամանակը Beeline ցանցում կկազմի ընդամենը 1 դրամ, մենք շարունակում ենք պարզ, հարմարավետ և մատչելի առաջարկների ռազմավարությունը»,- նշել է ԱրմենՏելի գլխավոր տնօրեն Իգոր Կլիմկոն:
Ծառայությունը կարելի է ակտիվացնել բջջային հեռախոսից հավաքելով *500# հրահանգը, իսկ փաթեթի րոպեների մնացորդը կարող եք ստուգել *114# հրահանգի միջոցով: Ծառայությունը միացնելուց հետո բաժանորդի հաշվի մնացորդը պետք է կազմի 50 դրամից ոչ պակաս:
«Ներցանցային 500» ծառայությունը հասանելի չէ «Ազատ շփում», «Ազատ շփում 3000», «Շրջապատ», «Մարզային», «ZR0» և «Շարժական Ինտերնետի» սակագնային փաթեթների բաժանորդների համար:
