Երեւան/Մեդիամաքս/. Նոյեմբերի 19-ին ավարտվել է “ArmNet Awards 2012”-ին մասնակցող կայքերի գրանցումը: Մրցույթին գրանցվել է ընդհանուր թվով 540 մասնակից, այդ թվում կայքեր, բջջային հավելվածներ, բլոգեր եւ սոցիալական ցանցերի էջեր:
Ժյուրիի ընտրությանը զուգահեռ նոյեմբերի 22-ից կմեկնարկի SMS քվեարկություն, եւ բոլոր այցելուները SMS հաղորդագրության միջոցով կկարողանան քվեարկել իրենց նախընտրած կայքի համար, հայտնել մրցույթի կազմակերպիչ են Orange Armenia-ում:
Քվեարկելու համար պետք է հեռախոսահամարից ուղարկել SMS 1041 կարճ համարին (Հայաստանից 1 SMS-ի գինը` 50 դրամ, ներառյալ ԱԱՀ)` բովանդակության մասում նշելով նախընտրած մասնակից կայքի մասնակցության հատուկ համարը (մասնակիցները ներկայացված են լինելու www.armnetawards.am կայքում): Մեկ կայքի օգտին յուրաքանչյուր բաժանորդ կարող է քվեարկել միայն մեկ անգամ, սակայն նույն բաժանորդը կարող է քվեարկել այնքան թվով կայքերի օգտին, որքան կցանկանա: Քվեարկության արդյունքում ամենաշատ ձայներ հավաքած կայքը կճանաչվի «Ժողովրդական ընտրություն» անվանակարգի հաղթող: Մրցույթին մասնակցող սոցիալական ցանցերի անձնական էջերը «Ժողովրդական ընտրություն» անվանակարգում ներառված չեն եւ քվեարկությանը չեն մասնակցում: SMS քվեարկությունը կավարտվի դեկտեմբերի 8-ին, ժամը 18:00-ին:
Մրցույթի արդյունքում մրցանակներ կտրվեն 8 լավագույն մասնակիցներին հետեւյալ անվանակարգերում.
• Գլխավոր մրցանակ:
• Դիզայն եւ հարմարավետություն:
• Նորարարություն:
• Տեխնիկական կատարում:
• Բովանդակություն:
• Հասարակական ազդեցություն:
• Տարվա առաջընթաց:
• Ժողովրդական ընտրություն:
• Orange-ի կողմից սահմանված մրցանակ` լավագույն բջջային հավելվածի համար:
Նոյեմբերի 30-ին կհրապարակվի ժյուրիի կողմից ընտրված հավակնորդների ցանկը յուրաքանչյուր անվանակարգի համար (բացառությամբ « Ժողովրդական ընտրություն» անվանակարգի), իսկ մրցույթի արդյունքները կամփոփվեն դեկտեմբերի 8-ին կայանալիք մրցանակաբաշխության ժամանակ:
ArmNet 2012 ամենամյա միջոցառումների շարքի կազմակերպիչներն են Maeutica ընկերությունը, Orange-ը եւ Հայաստանի Ինտերնետ Հանրություն հասարակական կազմակերպությունը:
