Երեւան: Մեդիամաքս: Ucom-ը հայտնել է, որ ընկերության բաժանորդներն այսուհետ հնարավորություն ունեն Արմենիա ԹիՎի ընկերության հաղորդումները դիտելու HD որակով:
Ucom ընկերությունը հեռուստատեսային HD ազդանշանը Արմենիա ԹիՎի հեռուստաընկերությունից ստանում եւ բաժանորդներին է փոխանցում օպտիկամանրաթելային մալուխով, որի շնորհիվ էլ հնարավոր է ունենալ բարձր որակի ազդանշան:
Բաժանորդի հեռուստացույցը պետք է ունենա HD ընդունելու հնարավորություն եւ միացած պետք է լինի Ucom-ի բաժանորդային սարքին HDMI մալուխով:
