Աղվերանում կքննարկվի հեռահաղորդակցության ոլորտի զարգացման ռազմավարությունը

Երեւան/Մեդիամաքս/. Փետրվարի 25-26-ը Աղվերանում «ՏՀՏ լիդերների հանդիպում» ֆորումի ընթացքում կքննարկվեն Հայաստանում հեռահաղորդակցության ոլորտի զարգացման ռազմավարությունը եւ առկա խնդիրները:

Ֆորումին կմասնակցեն ներկայացուցիչներ ՀՀ կառավարությունից, Տնտեսական մրցակցության պաշտպանության պետական հանձնաժողովից, Հանրային ծառայությունները կարգավորող հանձնաժողովից, տեղեկատվական եւ հեռահաղորդակցության ոլորտներում գործող ընկերություններից:

Օրակարգում ներառված թեմաներից են.

- ՀՀ հեռահաղորդակցության ոլորտի զարգացման ռազմավարություն. խնդիրներ եւ հնարավորությունները;

- Հեռահաղորդակցության ոլորտի հանրային ծառայությունների կարգավորման խնդիրները եւ միջնաժամկետ նպատակները;

- Ենթակառուցվածքների համատեղ օգտագործում` Վիրտուալ օպերատորներ, Համարների տեղափոխելիություն, Ունիվերսալ ծառայություններ;

- Հեռահաղորդակցության ենթակառուցվածքների զարգացման հնարավորություններ. մայրուղիներից մինչեւ տանիքներ;

- Համայնքների ռազմավարական զարգացման նախագծերում հեռահաղորդակցության ենթակառուցվածքների ներառման հնարավորություններ;

- Հեռահաղորդակցության ոլորտի տենդերներ. թափանցիկություն,  անկողմնակալություն եւ արհեստավարժություն` տենդերների նախապատրաստման աշխատանքներ, տենդերների առցանց իրականացում, տենդերների բողոքարկում, ոլորտային միությունների ներկայացուցիչների ներգրավման հնարավորություններ:

Քննարկված հարցերի եւ ձեւավորված առաջարկությունների վերաբերյալ առաջարկները կփոխանցվեն ՀՀ կառավարություն եւ լիազոր մարմիններ:

«ՏՀՏ լիդերների հանդիպում»-ֆորումը կազմակերպվում է 2007թ.-ից Ինֆորմացիոն Տեխնոլոգիաների Ձեռնարկությունների Միության կողմից: