StartupMonthly «արագացուցիչը» Մոսկվայում Օլիմպիադա կանցկացնի

Երեւան/Մեդիամաքս/. Մարտի 29-ին մինչեւ ապրիլի 7-ը Սիլիկոնյան հովտի Startup Monthly բիզնես-արագացուցիչը Մոսկվայում Օլիմպիադա կանցկացնի: Տարածաշրջանային փուլի հաղթողները հնարավորություն կունենան մասնակցելու Startup Year միջազգային սկսնակ ձեռնարկությունների մրցաշարին:

Ինչպես հաղորդում է Habrahabr.ru-ն, մարտի 29-ին եւ 31-ին Մոսկվայում կկայանա Ice Breaker Workshop-ը` բիզնեսի հիմնադիրների եւ տեխնիկական մասնագետների համար: Լավագույն թիմերը կկարողանան մասնակցել Pitch Accelerator Workshop-ին, վերապատրաստվել Startup Monthly դպրոցի լավագույն մենթորների մոտ եւ միգուցե դառնալ լավագույն նախագիծը, որին հնարավորություն կընձեռվի անվճար վերապատրաստվել եւ հետագա ներդրումներ գտնել Սիլիկոնյան հովտում:

Ապրիլի 5-ին եւ 7-ին Մոսկվայում կանցկացվի Pitch Accelerator Workshop-ը` նախագծի մոդելը ունեցող IT-գործարարների եւ Ice Breaker Workshop-ից ընտրված լավագույն թիմեր համար:

Օգտակար հղումներ`

• Մասնակիցների գրանցում եւ տոմսերի վաճառք moscow.startupmonthly.org/buy-your-ticket.html;
• Սկսնակ ձեռնարկությունների Օլիմպիադա Մոսկվայում moscowrus.startupmonthly.org;
• Startup Monthly-ի կայքը www.startupmonthly.org;
• Startup Year ամենամյա օլիմպիադային կայքը www.startupyear.org: