Երեւան/Մեդիամաքս/. Թաթարստանում գործող Ռոստելեկոմի դուստր Teleset Networks ընկերությունը $22,5 մլն-ով գնել է GNC-Alfa հայաստանյան մագիստրալային օպերատորի բաժնետոմսերի 75 % մինուս մեկ բաժնետոմս:
Այս մասին հաղորդում են ռուսաստանյան լրատվամիջոցները:
Մեդիամաքս-ը հիշեցնում է, որ 2010-ի հոկտեմբերին GNC-Alfa-ն եւ Ռոստելեկոմը համաձայնագիր էին ստորագրել ՀՀ տարածքում Ռոստելեկոմ ապրանքանիշի ներքո ծառայությունների մատուցման մասին:
Ինչպես այն ժամանակ Մեդիամաքս-ին հայտնել էր GNC Alfa-ի գլխավոր տնօրեն Հայկ Ֆարամազյանը, համաձայնագիրը ենթադրում է ՀՀ հաճախորդներին Ռոստելեկոմի այնպիսի ծառայությունների մատուցում, ինչպիսիք են IP-տարանցումը, ինտերնետ-կապը կորպորատիվ հաճախորդների համար եւ կապուղիների վարձակալությունը: Նա նշել էր, որ համաձայնագիրը չի նախատեսում Ռոստելեկոմի կողմից հայաստանյան ընկերության ակտիվների ձեռք բերում:
2011թ. մայիսին Հայկ Ֆարամազյանը հաստատել էր, որ բաժնետերերը քննարկում են բիզնեսն ամբողջությամբ կամ մասամբ վաճառելու հնարավորությունը: «Մենք վարձել ենք խորհրդատուներ, ովքեր կիրականացնեն հավանական գործարքը: Որքան ինձ հայտնի է, գնման առաջարկներն արդեն ուղարկվել են ռուսաստանյան եւ եվրոպական որոշ ընկերությունների»,- ասել էր նա “Կոմերսանտին”:
16:52 | 02.02.12 |
Նորություններ
Orange-ի աջակցությամբ Շահումյան գյուղում բացվեց համակարգչային կենտրոն
15:19 | 02.02.12 |
Նորություններ
Orange-ն առաջարկում է Վրաստան զանգահարել 45 դրամով
