photo © http://filetraffic.eu

Իրանը հերքել է իր մասնակցությունն ադրբեջանական կայքերի դեմ իրականացրած հաքերական գրոհներին

Երեւան/Մեդիամաքս/. Իրանը ոչ մի կապ չունի Ադրբեջանի պետական եւ հասարակական կառույցների կայքերի դեմ իրականացված հաքերական գրոհի հետ, «Տրենդ»-ին ասել է Բաքվում Իրանի դեսպանատան մամուլի ծառայության ղեկավար Աբաս Իսկենդերին:

Նրա խոսքերով, նման մեղադրանքները վնասում են երկկողմ հարաբերություններին:

Հունվարի 16-ին Ադրբեջանի կապի եւ տեղեկատվական տեխնոլոգիաների նախարարության եւ Ադրբեջանի պետական պաշտպանության հատուկ ծառայությունների սերվերներում տեղակայված տարբեր հաստատությունների, հասարակական կազմակերպությունների եւ ԶԼՄ-ների կայքերը ենթարկվել են հաքերական գրոհի: