Google-ի հիմնադիրներից մեկը` Սերգեյ Բրինը
photo © http://business.compulenta.ru

Սերգեյ Բրինը Wikipedia-ին նվիրաբերել է $ 500 հազար

Երեւան/Մեդիամաքս/. Google-ի հիմնադիրներից մեկը` Սերգեյ Բրինը, Wikipedia նախագծին աջակցելու նպատակով Wikimedia հիմնադրամին նվիրաբերել է $500 հազ.:

Ինչպես հաղորդում է Lenta.ru-ն` վկայակոչելով AFP-ը, Wikimedia հիմնադրամը գործարկել է ամենամյա ակցիան` ուղղված միջոցների հավաքագրմանը Wikipedia անկախ հանրագիտարանի զարգացման համար: Այժմ Wikipedia-ի բոլոր այցելուներին իր ուղերձով դիմավորում է անկախ հանրագիտարանի հիմնադիր Ջիմի Ուեյլսը, ով կոչ է անում միջոցներ նվիրաբերել նախագծի համար:

2010-ին Google-ը Wikimedia հիմնադրամին նվիրաբերել էր $ 2 մլն:

Մեկնաբանելով իր նվիրատվությունը` Սերգեյ Բրինը Wikipedia-ն անվանել է «համացանցի ամենամեծ նվաճումներից մեկը»:

Google-ը Wikimedia-ին նաեւ տրամադրել էր իր գործիքները արաբերեն, հինդի եւ սուահիլի լեզուներով փորձնական նյութերը թարգմանելու համար: