ՎիվաՍել-ՄՏՍ-ը Հայաստանի թենիսի ֆեդերացիայի 2011թ. գլխավոր հովանավորն է

Երեւան/Մեդիամաքս/. ՎիվաՍել-ՄՏՍ-ը Հայաստանի թենիսի ֆեդերացիայի (ՀԹՖ) 2011 թվականի գլխավոր հովանավորն է եւ ընդհանուր առմամբ կհատկացնի 40 մլն դրամ:

Ասյօր թենիսի միջազգային մրցաշարերի վերաբերյալ համատեղ մամլո ասուլիսով հանդես են եկել ՀԹՖ նախագահ Հարություն Փամբուկյանը, ՎիվաՍել-ՄՏՍ-ի գլխավոր տնօրեն Ռալֆ Յիրիկյանը եւ Ամերիաբանկի գլխավոր տնօրեն Արտակ Հանեսյանը:

Հուլիսին Հայաստանում անցկացվելիք Futures միջազգային չորս մրցաշարի համար առաջին անգամ սահմանվել է մրցանակային ֆոնդ: Մրցաշարերից մեկում խաղարկվելու է ՎիվաՍել-ՄՏՍ-ի գավաթը, որի մրցանակային ֆոնդը կազմում է ավելի քան 9 մլն դրամ:
Մյուս մրցաշարերի համար մրցանակային ֆոնդ են սահմանել նաեւ Ամերիաբանկը ($ 15.000) եւ Օրանժ թենիսի ակումբը ($ 15.000):

Այս տարի Հայաստանում անցկացվելու է նաեւ միջազգային պատանեկան յոթ մրցաշար: