“ԱրմենՏել”-ի գլխավոր տնօրեն Իգոր Կլիմկոն
photo ©

“ԱրմենՏելը” դարձել է կանանց միամսյակին նվիրված բարեգործական ցուցահանես-վաճառքի գործընկեր

#“ԱրմենՏել” #“Արմենիա Մարիոթ” #ցուցահանես-վաճառք #

Երեւան/Մեդիամաքս/. “ԱրմենՏել” ընկերությունը (Beeline ապրանքանիշ) դարձել է կանանց միամսյակին նվիրված ամենամյա բարեգործական ցուցահանես-վաճառքի գործընկեր:

Ցուցահանդեսն աշխատանքը կսկսի մարտի 6-ին “Արմենիա Մարիոթ” հյուրանոցում` “Կանանց միջոցով եւ կանանց համար” նշանաբանի ներքո: Այն կազմակերպվում է Հայաստանում երիտասարդ կանանց սոցիալական պայմանների բարելավման նպատակով: Տոնավաճառից ստացված միջոցներն կուղվեն Երիտասարդ կանանց ասոցիացիայի կողմից իրականացվող, տնտեսական ոլորտում կանանց մասնակցությունը խթանող ծրագրերի աջակցմանը:

“Շնորհավորում եմ գեղեցիկ սեռի բոլոր ներկայացուցիչներին գալիք տոների կապակցությամբ եւ վստահ եմ, որ այս ցուցահանդեսը շատ կանանց կօգնի իրականացնել իրենց գաղափարները: Տոնավաճառն ուղղված է փոքր եւ միջին բիզնեսի զարգացման գործում կին-գործարարների դերի բարձրացման ծրագրերին, եւ մենք ուրախ ենք դառնալ այս միջոցառման գործընկերը”,- նշել է “ԱրմենՏել”-ի գլխավոր տնօրեն Իգոր Կլիմկոն:

Բարեգործական ցուցահանդես-վաճառքին կմասնակցեն կանայք Երեւանից եւ մարզերից, ինչպես նաեւ կանանց համար կիրառական եւ դեկորատիվ ապրանքներ արտադրողները: Բացի այդ, ցուցահանդեսի ավարտին կանցկացվի բարեգործական վիճակահանություն: