«ԱրմենՏել»-ի աջակցությամբ կայացել է Տիգրան Մեծի մասին ֆիլմի ցուցադրությունը

Երեւան/Մեդիամաքս/. Այսօր «ԱրմենՏել»-ի աջակցությամբ Հայաստանի Ազգային պատկերասրահում կայացել է Տիգրան Մեծի մասին վավերագրական ֆիլմի ցուցադրությունը:

Ինչպես այսօր տեղեկացրել են «ԱրմենՏել»-ի մամուլի ծառայությունում, ցուցադրությունը կայացել է Տիգրան Մեծի ծննդյան 2150-ամյակին նվիրված հոբելյանական միջոցառումների շրջանակներում:

«Ֆիլմի այսօրվա ցուցադրությունը հիանալի հնարավորություն է հաղորդակից դառնալու հայ ժողովրդի մեծ զավակի մասին հիշողություններին, ով մեզ համար դարձել է հաղթանակի, միասնության եւ սեփական ուժերի նկատմամբ հավատի խորհրդանիշ»,- ասել է «ԱրմենՏել»-ի գլխավոր տնօրեն Իգոր Կլիմկոն:

Միջոցառումներ շարքը կավարտվի երիտասարդ նկարիչների ստեղծագործությունների ցուցահանդեսով Հայաստանի Ազգային Գեղագիտության կենտրոնում: