«ՎիվաՍել-ՄՏՍ»-ի բաժանորդները կարող են 3G-ռոումինգի ծառայություններից օգտվել աշխարհի 48 երկրներում

Երեւան /Մեդիամաքս/. «ՎիվաՍել-ՄՏՍ»-ի բաժանորդները կարող են օգտվել 3G-ռոումինգի ծառայություններից աշխարհի 48 երկրներում` 60 օպերատորների ցանցերում:

Ինչպես ՄԵԴԻԱՄԱՔՍ-ին հայտնել են ընկերության մամուլի ծառայությունում, «ՎիվաՍել-ՄՏՍ»-ը նախատեսում է շարունակել ընդլայնել 3G-ռոումինգի գործընկերների թիվը:

«Լինելով միջազգային օպերատոր հայաստանյան առանձնահատկությամբ` «ՎիվաՍել-ՄՏՍ»-ը միջազգային ռոումինգը դարձրել է իր գործունեության առաջնահերթ ուղղություններից մեկը: Ընկերությունն ամեն օր ընդլայնում է ձայնային ծառայությունների եւ տվյալների փոխանցման ռոումինգի սահմաններն իր կանխավճարային եւ հետվճարային բաժանորդների համար` ավելացնելով իր ռոումինգ-գործընկերների թիվը»,- հայտարարել է ընկերության գլխավոր տնօրեն Ռալֆ Յիրիկյանը:

Ներկայումս «ՎիվաՍել-ՄՏՍ»-ն ունի 402 ռոումինգ-գործընկեր աշխարհի 183 երկրներում (չհաշված ՄՏՍ խմբի ռոումինգ-գործընկերները): Բացի այդ, ընկերությունն ունի 79 CAMEL ռոումինգ-գործընկեր 51 երկրներում եւ 111 GPRS ռոումինգ-գործընկեր 701 երկրներում: