Orange Armenia-ն “գնային պատերազմ” չի վարելու այլ օպերատորների դեմ

Երեւան /Մեդիամաքս/. Orange Armenia-ն մտադիր չէ “գնային պատերազմ” վարել բջջային կապի այլ օպերատորների դեմ:  

Ինչպես հաղորդում է ՄԵԴԻԱՄԱՔՍ-ը, Orange Armenia-ի գլխավոր տնօրեն Բրունո Դյութուան այսօր Երեւանում ասել է, որ “մեր սակագները լավն են լինելու, սակայն մենք մտադիր չենք զբաղվել դեմփինգով”:

Նա տեղեկացրել է, որ տեխնիկական աշխատանքները գրեթե ավարտված են, եւ ներկայումս ընթանում են թեստավորման աշխատանքները: “Ներկայումս անց է կացվում ռոումինգի ծառայության թեստավորում, իսկ Orange Armenia-ի ցանցում առաջին թեստային զանգը կատարվել է հուլիսի երկրորդ կեսին”, - ասել է Բրունո Դյութուան:

Ընկերության ղեկավարը նշել է, որ Orange Armenia-ի ինտերնետային ծառայությունները աչքի են ընկնելու են մատչելիությամբ եւ որակով: