«Բադալյան եղբայրներ» ընկերությունների խումբը մասնակցել է ICE Barcelona 2025-ին

«Բադալյան եղբայրներ» ընկերությունների խմբին պատկանող 10-ից ավելի ընկերություն մասնակցել է ՏՏ ոլորտի հեղինակավոր ICE Barcelona 2025-ին։ Միջոցառմանը մասնակցել է ավելի քան 80 հազար հյուր աշխարհի 160 երկրից։

«Բադալյան եղբայրներ» ընկերությունների խմբի ներկայացուցիչները կիսվել են նախորդ տարվա ձեռքբերումներով, ներկայացրել 50-ից ավելի բացառիկ պրոդուկտ՝ ստեղծված web3 հայեցակարգի հիմքով։

«Տեխնոլոգիական ոլորտը շատ արագ է զարգանում, եւ մենք, լինելով այս ոլորտի առաջատար եւ խոշոր ընկերություններից մեկը, մշտապես հանդես ենք գալիս նորարարական լուծումներով։ ICE Barcelona-ն տվյալ ոլորտի ամենամեծ ցուցահանդեսն է եւ այլ երկրների գործընկերների հետ աշխատելու նոր հնարավորություններ է բացում։ Մենք այստեղ եզակի ընկերություններից ենք, որ հանդես ենք գալիս 6 տաղավարով եւ շուրջ 2200 քմ տարածքով։ Մեր ընկերությունից մասնակցում են 300-ից ավելի աշխատակից»,- ասել է «Բադալյան եղբայրներ» ընկերությունների խմբի գլխավոր գործադիր տնօրեն Վահագն Բադալյանը:

Միջոցառմանը ներկայացվել են «Բադալյան եղբայրներ» ընկերությունների խմբին պատկանող BetConstuct, Fastex, CreedRoomz, SosHuB, Pascal Gaming, FeedConstruct, Popok Gaming, Stretch Network հարթակները, Fast Shift հավելվածը։ Միջոցառման հազարավոր հյուրերին ներկայացվել են նաեւ Yօ պրոդուկտների խումբը՝ YoPhone հաղորդակցման հավելվածը, YoHealth բջջային հավելվածը, որը ոչ միայն խթանում է առողջ ապրելակերպը, այլեւ հնարավորություն է տալիս տնտեսվարողներին բարձրացնել իրենց արտադրանքի ճանաչելիությունը թվային նոր հարթակում, YoCerebrum մետավերսը՝ վիրտուալ տիրույթում տարբեր ոլորտների զարգացման նորարար հարթակը: Ներկաները ծանոթացել են նաեւ Բահամուտ բլոկչեյնի վրա ստեղծված բացառիկ Ortak մարքեթփլեյսին՝ նոր Snowball NFT-ով:  

Նշվում է, որ ընկերության հրավերով Բարսելոնա էր ժամանել նաեւ աշխարհահռչակ սթրիթ արտիստ Ալեք Մոնոպոլին, որը միջոցառման ընթացքում ստեղծած աշխատանքը նվիրել է ընկերությանը: