Ալեքսիս Օհանյանը հանդես կգա TikTok-ի գնման ռազմավարական խորհրդատու

Project Liberty-ի հիմնադիր Ֆրենք Մաքքորթը Reuters-ին հայտնել է, որ Reddit-ի համահիմնադիր, վենչուրային կապիտալիստ Ալեքսիս Օհանյանը իր ռազմավարական խորհրդատուն կլինի TikTok-ի ամերիկյան գործառնությունների ձեռքբերման գործընթացում։

Los Angeles Dodgers-ի նախկին սեփականատերը և նրա գործընկերները TikTok-ի գնման հայտ են ներկայացրել 2025 թվականի հունվարի սկզբին։

Հավելվածը կարճ ժամանակով դադարել էր աշխատել ԱՄՆ-ում արգելքի ուժի մեջ մտնելուց մի քանի ժամ առաջ, սակայն դրա աշխատանքը վերականգնվել էր այն բանից հետո, երբ ընտրված նախագահ Դոնալդ Թրամփը հայտարարել էր, որ կապահովի TikTok-ի հասանելիությունը։

Ալեքսիս Օհանյանը Reddit-ը հիմնել էր Վիրջինիայի համալսարանի իր սենյակակցի հետ։ Նա վաճառել էր Reddit-ը Conde Nast-ին 2006 թվականին, իսկ 2014 թվականին վերադարձել էր որպես գործադիր նախագահ՝ ընկերության վերածնունդը ղեկավարելու համար։

Օհանյանը ներդրումներ է կատարել մի շարք տեխնոլոգիական ընկերություններում, այդ թվում՝ Instacart, Patreon և OpenSea-ում։